शेनवारच्यान व्हॅक्सिनेशनाक आरंब :भारतांतलो इतिहासीक दीस
15 Jan 2021 06:56 PM
कारण इतलो तेंप तोंडार मास्कां घालून घुस्मटत भोंवतल्यांक आतां मेकळो स्वास घेवपाची संद मेळपाची आसा.
भारतांत कोवीड 19 च्या व्हॅक्सिनेशनाक शेनवारच्यान सुरवात जावपाची आसा.
सकाळीं 10.30 क व्हिडियो कॉन्फरन्सिंगा वरवी प्रधानमंत्री ही मोहीम सुरू करतलो.
संवसारांलें सगळ्यांत व्हडलें लसीकरण आसतलें अशें प्रधानमंत्र्याच्या कार्यालयान म्हटलां.
गोंयांत पयलें वासीन कोवीड वॉर्डांत नितळसाणेचें काम करपी कर्मचाऱ्याक मेळटलें अशें गोमेकोचो डीन दोतोर शिवानंद बांदेकारान सांगलें.
व्हॅक्सिनाचें गोमेको हें मुखेल केंद्र आसतलें.
ते भायर 7य केंद्रां ही मोहीम चलोवपाक सिद्ध जाल्यांत.
सध्याक वासिनां कोल्ड स्टोरेजींत विसव घेतात.
शेनवारा सकाळच्यान हीं वासिनां काम करपाक लागतलीं, सांजे पांच वरां मेरेन मोहीम चालू उरतली.
गोमेकोचो डीन आनी मुख्यमंत्री प्रमोद सावंतान तेविशीं म्हायती दिली.
कोवीड 19 चीं वासिनां दिवपाचीं भारतांत एकूण 3006 सेशनां जातलीं.
उक्तावणाच्या दिसा उक्तावणाचे सुवातेर सुमार 100 जाणांक ताचो लाव मेळटलो.
व्हॅक्सिनां दिवपाचे बाबतींत सरकारान वर्गीकरण केलां.
आदीं हॅल्थ कॅर वर्कर्स, मागीर सरकारी आनी खासगी आस्थापनांतले कामगार, कर्मचारी, आयसीडी कामगारांक ताचो लाव मेळटलो.
What do you feel
Click here