पर्यटनाचेर अवलंबून आसलेल्या गोंयच्या वेवसायींचें म्हणणें, अंदूं भायल्या देशांतल्यान येतल्या पर्यटकांचो उणाव दिसोन येयला.

खास करून थॉमस कूकान आपली विमानसेवा बंद केल्या उपरांत हें खरपणान जाणवलां.

गोंयांतल्या वेवसायिकांक आतां आस्त उरल्या ती देशी पर्यटकां कडल्यान. गोंयच्यो दर्या देगो जरीं पर्यटकांनी भरलेल्यो दिसल्यो तरी तेंच्या कडल्यान गिरायक जायना अशें तेंचें म्हणणें.

वेवसायिकांच्योय हेचेर संमिश्र प्रतिक्रिया आसात.

 पोरूं परस अंदूंचो पर्यटन मोसम गोंया खातीर मंदीचो गेल्ल्याचें दिसोन येता.

नोटबंदी, जीएसटी, म्हारगाय, बेकायदेशीर घडणुको, खून, बलात्कारां सारकिल्या गुन्यावांनी जाल्ली वाड आनी टुरिस्टांची पुलीस आनी टॅक्सिवाल्यां कडल्यान जावपी पिडणूक हेका जबाबदार आशिल्ल्याचें दिसोन येता.

रशियेंत सध्या अर्थीक मंदी चल्ल्या.

तेका लागोन रशियेंतल्यान येवपी पर्यटकय खुबूच उणावल्यात. पूण थॉमस कूकची सेवा बंद जाल्ल्यान येवरोपांतल्यान येवपी पर्यटकांचेर व्हडलो परिणाम जाल्ल्याचें सगळेच मान्य करतात.

उत्तर गोंयांत, कळंगूट दर्यादेग हरशीं पर्यटकांनी उपट भरिल्ली दिश्टी पडटा.

पूण अंदूं कळंगूटे बरोबर मोरजी आनी आश्वेंच्या दर्या देगांचेरय उण्या प्रमाणांत पर्यटक येयल्ले दिसले.

  ह्या दर्या वेळांचेर चड करून रशियन पर्यटक येताले. शॅकधनी एकूण परिस्थितीचेर किदें सांगतात.

 देशा भायले पर्यटक दक्षिण गोंया परस चड करून उत्तर गोंयांत येतात.

पूण हे खेपे दक्षिण गोंयांतल्या दर्या देगांचेर स्थलांतरितांचो उपद्रव आनी उणी सेक्युरिटी आशिल्ल्यान पोरुंपरसय उणे पर्यटक येयल्ल्याचें वेवसायिकांनी सांगलें.

पर्यटनाचेर अवलंबून आसलेल्या गोंयच्या वेवसायींचें म्हणणें, अंदूं भायल्या देशांतल्यान येतल्या पर्यटकांचो उणाव दिसोन येयला.

खास करून थॉमस कूकान आपली विमानसेवा बंद केल्या उपरांत हें खरपणान जाणवलां.

गोंयांतल्या वेवसायिकांक आतां आस्त उरल्या ती देशी पर्यटकां कडल्यान. गोंयच्यो दर्या देगो जरीं पर्यटकांनी भरलेल्यो दिसल्यो तरी तेंच्या कडल्यान गिरायक जायना अशें तेंचें म्हणणें.

वेवसायिकांच्योय हेचेर संमिश्र प्रतिक्रिया आसात.

 पोरूं परस अंदूंचो पर्यटन मोसम गोंया खातीर मंदीचो गेल्ल्याचें दिसोन येता.

नोटबंदी, जीएसटी, म्हारगाय, बेकायदेशीर घडणुको, खून, बलात्कारां सारकिल्या गुन्यावांनी जाल्ली वाड आनी टुरिस्टांची पुलीस आनी टॅक्सिवाल्यां कडल्यान जावपी पिडणूक हेका जबाबदार आशिल्ल्याचें दिसोन येता.

रशियेंत सध्या अर्थीक मंदी चल्ल्या.

तेका लागोन रशियेंतल्यान येवपी पर्यटकय खुबूच उणावल्यात. पूण थॉमस कूकची सेवा बंद जाल्ल्यान येवरोपांतल्यान येवपी पर्यटकांचेर व्हडलो परिणाम जाल्ल्याचें सगळेच मान्य करतात.

उत्तर गोंयांत, कळंगूट दर्यादेग हरशीं पर्यटकांनी उपट भरिल्ली दिश्टी पडटा.

पूण अंदूं कळंगूटे बरोबर मोरजी आनी आश्वेंच्या दर्या देगांचेरय उण्या प्रमाणांत पर्यटक येयल्ले दिसले.

  ह्या दर्या वेळांचेर चड करून रशियन पर्यटक येताले. शॅकधनी एकूण परिस्थितीचेर किदें सांगतात.

 देशा भायले पर्यटक दक्षिण गोंया परस चड करून उत्तर गोंयांत येतात.

पूण हे खेपे दक्षिण गोंयांतल्या दर्या देगांचेर स्थलांतरितांचो उपद्रव आनी उणी सेक्युरिटी आशिल्ल्यान पोरुंपरसय उणे पर्यटक येयल्ल्याचें वेवसायिकांनी सांगलें.