प्रस्न जाग्यार घालात, ना जाल्यार फुडले वेंचणुकेंत शिकयतले धडो: ऊस शेतकारांचो एल्गार

ऊस तोडणेंची बिलां सरकारी फायलींनी तशींच भिजत पडल्यांत.

तेंचें म्हणणें, आमकां भायल्या राज्यांनी ऊस गाळिल्लो नाका, गोंयांतच उस क्रश केल्लो जाय.

आनी हो प्रस्न जाग्यार पडलो ना, जाल्यार येता ते जिल्लो पंचायत वेंचणुकेंत भाजपाच्या उमेदवारांक उडोवपा खातीर आमी शेतकार वावुरतले.

शेतकारांनी शिटकावणी दिल्या. 

 ऊस शेतकारांचीं तोंडां अजूनय कडूच उरल्यांत.

अंदूं उसय कापूंक ना आनी तांकां तांचे वाडीव पयशेय मेळूंक नात.

देखून ते संकटांत सांपडल्यात.

एका पयशाचेंय लुकसाण जावपाक दिवचे नात अशें सहकारमंत्री गोविंद गावडेन विधानसभेंत तेंकां उतर दिल्लें.

पूण अजून हो प्रस्न अधांतरीच हुमकळत उरला.

सरकारान फटयल्ल्याची भावना जाल्ल्यान  तांणी सरकाराक शिटकावणी दिल्या, जिल्लो पंचायतच न्हू, फुडल्या वेंचणुकांनीय तुमकां धडो शिकयतले.

पळयात शेतकारांचो एल्गार. ऊस शेतकार विरोधी पक्षफुडाऱ्याक वचून मेळ्ळे.

  दिगंबर कामतीन तेंची गोविंद गावडे बरोबर भेट घालून दिवपाचें उतर दिलां.

जाल्यार बरोच काळ कारखान्याचो अध्यक्ष आशिल्लो आदलो मुख्यमंत्री प्रतापसिंग राणेन आपलें उदाहरण दियत कितें सांगलें पळय़ात.