मारले तिरवाळच्या आदीवासींचो वेंचणुकांचेर बहिश्कार
मारले तिरवाळच्या आदीवासींचो वेंचणुकांचेर बहिश्कार
15 Apr 2019 06:50 PM
काणकोणच्या मारले तिरवाळ वाठारांतल्या सुमार 250 आदीवासी मतदारांनी थारायलां.
सुळसुळीत रस्ते आनी सेगीत लायट दितले.
सगळ्याच पक्षांच्या सगळ्याच आमदारांनी तांकां उतर दिल्लें.
पूण खंयचे कडेन कांय ना.
मारले तिरवाळ हो पैंगीण गांवांतल्या खोतीगांव अभयारण्याचो वांठार.
अजूनय तो काळखांतच आसा.
तांकां जमनीपोंदा लायटीचे केबल घालून दितले अशें उतर दिल्लें.
पूण रान खात्यान तांकां जमनीपोंदच्या केबलांक परवानगी दिली ना.
नव्या पुलाकय विरोध जालो.
थंयचो पोरणो पूल केन्नाय कोंसळून पडूं येता अशे अवस्थेंत आसा.
रस्त्याची अवतिकाय जाल्या.
पावसांत लोकांक त्रास जाताच, शाळेंत वतल्या भुरग्यांचे अक्षरशा हाल जातात.
फकत तीन किलोमिटरांचो हो रस्तो.
गोंय मुक्त जावन 58 वर्सां जालीं, लोक अजूनय फोंडांनी भरिल्ल्या रस्त्यापसून केन्ना काय मुक्ती मेळटली, हाचीच वाट पळयतात.
What do you feel
Click here