आदीं रस्ते सुदरयात, मागीर तालांव दियात : मायकल
18 Jan 2021 06:05 PM
ट्राफीक फायन वाडयत जाल्यार एकादवेळ राज्यांतलो भ्रश्टाचार, खास करून येरादारी विभागांतलो घुस्पागोंदळ उणो जावं येता.
कळंगूटचो आमदार मायकल लोबोन सोमारा सांगलें.
जो मेरेन पायाभूत सुविधा तयार जायनात तो मेरेन नवो मोटर वाहन कायदो चालीक लावपाक आपूण मनाय करतलों, अशेंय ताणें सांगलें.
कायदे चालीक लावचे आदीं सरकारान लोकांक बरे रस्ते दिवचे, मुळाव्यो सुविधा मेळोवन दिवच्यो अशेंय मायकलाक दिसता.
परत एकदां कळंगूटच्या भाजपाच्या आमदारान सरकाराक घेरलो.
येरादेरेचे नेम मोडटात तेंका दितल्या दंडां विशीं मायकलाची प्रतिक्रिया विचारली, त्या वेळार ताणें सांगलें, आदीं रस्ते सारके करून दियात आनी मागीर लोकांक फायनी मारात.
केंद्राचे फायन रेटस आपणाक मान्य नाशिल्ल्याचेंय ताणें सांगलें.
पळयात गोंयचे रस्ते आनी नेम मोडप्यांचेर मायकलाचो शेर्मांव.
What do you feel
Click here