पर्थून अशें घडचें न्हय हे
खातीर भौशीक बांदकाम मंत्री सुदीन ढवळीकारान बांदकामांच्या सुवातींचे सुरक्षे खातीर
एक टीम नेमपाच मागणी थळाव्या उपसरपंचान केल्या.
वेर्णेंच्या केसरवाळ हॉटेलाकडलो
हो स्कॅफॉल्डिंग म्हणल्यार फ्लायओव्हराच्या बांदकामा खातीर तयार करून दवरिल्लो लोखंडी
सांगाडो बुधवारा सकाळच्या वेळार अचकीत कोंसळून पडलो.
दोंगरावटेन पडिल्ल्यान कोणाचो जीव वचूंक नासलो तरी
चार कामगार जखमी जाले.
तांकां बेगोबेग बांबोळेच्या हॉस्पिटलांत व्हरून घाले.
तोच जर
हो सांगाडो रस्त्यावटेन पडिल्लो जाल्यार मात लोकांचो जीव वचूं येतालो अशी भिरांत उपसरपंच
रेमंड डिसान उक्तायली.
कुठ्ठाळी रावपी देवेंद्र केंकरे त्याच वेळार थंयसावन वतालो.
ताणें सरकाराच्या घाळपणाचेर बोट दवरलें.
अशे तरेच्यो लोकांकडेन संबंदीत गजाली सरकारान
गंभीरतायेन घेवपाक जाय अशें ताचें म्हणणें.
पळयात तो कितें म्हणटा तो.