कोडली प्लांटाक सरकारान परवानगी दिवची- आमदार
15 Sep 2021 03:56 PM
कोडली सांग्यावेल्या सेसा गोवाच्या मीना खणींचो प्लांट सुरू करपाक सरकारान परवानगी दिवची. जेंणेकरून ई ऑक्शनाचो म्हाल चालीक लागतलो आनी कामगारांच्या रोजगाराचो प्रश्न सुटावो जातलो. ही मागणी घेवन सावड्डें आनी कुडचडें वाठारांतले मीना खणीचे कामगार थळावो आमदार निलेश काब्रालाक वचून मेळ्ळे. मागणी मुख्यमंत्र्या म्हऱ्यांत व्हरून ताची फाटपुरवण करपाचें उतर दोगय अमदारांनी दिलें.
कांय दिसां आदी सर्वोच्च न्यायालयान 88 खणींच्या लीजांचें नुतनीकरण करपाची याचीका भायर मारली. हे फांटभुंयेर खण पिडेस्त कामगार खण वाठारांतलो आमदार निलेश काब्राल आनी दिपक पावस्काराक वचून मेळ्ळे. पावस्कार म्हणटा, तांणी फक्त प्लांट सुरू करपांखातीर सेसाक लीज दिवपाची मागणी केल्या. मीन काडपाक न्हय. सर्वोच्च न्यायालयान खणी बंद उडोवंक ना. फक्त महामंडळ स्थापन करून त्यो चालीक लावच्यो अशें सांगलां. जाल्यार निलेश काब्राल न्यायालयाच्या ह्या निर्णयाचेर बेजारला. ताणें गोवा फांऊडेशनाचेर फोग काडला.
What do you feel
Click here