According to Goa Forward president Vijai Sardesai, this is a big conspiracy. To sell this land at a high price, movement has started to merge Dodamarg into Goa. And the same people are opposing installation of Dr Jack Sequeira’s statue in Madgao. It’s not a coincidence that this agitation has started soon after Goa’s BJP leaders toured Sindhudurg for election campaign. He says they had gone for a land deal, not for campaign. 

मुख्यमंत्र्यान खंय महाराष्ट्रांतल्या दोडामार्गांतल्या तळेखोल हांगां 1 कोटी 20 लाख चौखण मीटर जमीन फकत 38 लाखांक घेतली.

24 ऑक्टोबराक. महाराष्ट्र वेंचणुकेचो प्रचार चलतालो तेन्ना. तेचेर दोनय विरोधी पक्षांनी मुख्यमंत्र्याकडल्यान स्पश्टीकरण मागलां.

हो आरोप करतना विजय सरदेसाय म्हणटा हें बरेंच व्हडलें कारस्थान.

सवायभीतर घेतिल्ली ही जमीन म्हारग दरान विकपाखातीर दोडामार्ग गोंयांत घालचें म्हुणून आंदोलन सुरू जालां.

आनी हेच लोक सध्या मडगांवां ओपिनियन पोलाचो फुडारी डॉ जॅक सिक्वेराचो पुतळो बांदपाक विरोध करतात.

आमचे राजकारणी वेंचणूक प्रचाराक सिंधुदुर्गांत वचून येयल्या उपरांत हें आंदोलन सुरू जाता हो निखालस योगोयोग न्हूं. ते प्रचाराक गेल्ले काय जमनीचें डील करपाक गेल्ले असो खोचक प्रस्नय तो विचारता.

शिवसेनेच्या फुडाऱ्यान दिल्ल्या कागदपत्रांच्या आदाराचेर काँग्रेसीनय हो विशय लावन धल्ला. हेचेर मुख्यमंत्री प्रमोद सावंतान गोंयकारांक स्पष्टीकरण दिवचें अशें गोंय काँग्रेस प्रदेशाध्यक्ष गिरीश चोडणकारान मागलां.

हो आरोप कितलो खरो आनी कितलो फट तें मुख्यमंत्र्यान स्पश्टीकरण दितकीर कळटलेंच. पूण ही म्हायती खरी आसत जाल्यार ही जमीन फकत एक रुपया चाळीस पयशे एका चौखण मीटराक इतल्या सवाय दरान घेतल्या असो हेचो अर्थ जाता.