गोंय विठ्ठलमय जाल्लें.
आला रे हरी आला हरी आला अशें म्हणत आनी विठुरायाचो जयजयकार करत गोंयच्या वारकऱ्यांनी खांदार
बावटे घेवन आनी ताळ चिपळ्यो वाजयत वारयेक आरंभ केलो.
काणकोण केपेंच्या वारकऱ्यांनी
आडपै येवन विठ्ठल रखमायेचें दर्शन घेतलें.
जाल्यार कोंबा मडगांवच्या विठ्ठल मंदिरांत
विठोबा रखमायचो गजर गाजलो.
संत भेसवण सर्तींत माणकुल्यांनी वांटो घेतलो.
आशाढी एकादस ही गोंयांय परस कुशीच्या
महाराष्ट्रांत अध्यात्मीक नदरेन म्हत्वाची.
महाराष्ट्रांतल्या खाची कोनश्यांतल्यान
वारकरी चलत पंढरपुरा वतात.
चंद्रभागेंत न्हाण जाल्या उपरांत पांडुरंगाचें दर्शन घेतात.
पंढरपूरच्या विठ्ठलाक पळोवपाक शेगांवच्यान गजानन महाराज, आळंदीच्यान ज्ञानेश्वराची,
देहूच्यान तुकारामाची, त्र्यंबकेश्वराच्यान निवृत्तीनाथाची, पैठणच्यान एकनाथाची आनी
उत्तर भारतांतल्यान कबिराची पालखी येता.
गोंयच्यान दर वर्सा भावीक पंढरपुरा वयतात.
पूण अंदूं कोरानाक लागून गोंयांतल्या मंदिरांनीच दर्शनाची तान भागोवची पडली.
काणकोण
केपेंचे वारकरी मंगळारा आडपैच्या विठ्ठल रखमाय मंदिरांत पावले.
पळयात तो आनंद सुवाळो.
जाल्यार मडगांव कोंबाचें विठ्ठल मंदिरय भक्तीभावांत आनी भजन कीर्तनांत रंगून गेल्लें.
पळयात मडगांवचो भक्ती सुवाळो.
कांय कडेन संत दर्शनाच्यो तशेंच संतांचे भेसवणीच्यो सर्तीय घडोवन हाडल्यो.
अशेच
एके सर्तींत मयेंच्या काव्याबायन संत जनाबाई उबी केली. ताचीच एक झलक.