वायू चक्रीवादळ धुकल्लें गुजराता वटेन, पूण गोंयांत कांडलें धुमशेण

12 Jun 2019 07:24 PM

वायू चक्रीवादळाचो गोंयांत तसो व्हडलोसो परिणाम दिसून येवंक ना.

ह्या वादळाक लागून गोंयच्या कांय वाठारांनी पावस पडलो.

तशेंच झाडांय हुमटून पडपाच्यो घडणुको घडल्यो.

झाडां पडपाच्या घडणुकांक लागून कांय वाहनांचेंय बरेंच लुकसाण जालें.

लायटीच्या तारींचेर झाडां पडिल्ल्यान कांय वाठारांनी लायटय गेल्ली.

वादळाक लागून बुधवाराय गोंयच्या कांय वाठारांनी पावस पडलो.

पावसाक लागून कुठ्ठाळे राष्ट्रीय महामार्गाचेर चिखल साठावन राविल्लो.

देखून आगशी-कुठ्ठाळे मेरेन गाडयांच्यो लायनी लागिल्ल्यो.

वादळाक लागून वेंगुर्ला ते वास्को मेरेनच्या दर्या देग वाठारांनी 2.5 ते 3.6 मिटर उंचायेचीं व्हडली ल्हारां आयलीं.

हे वादळ आता गुजरातचे दिकेन फुडे गेलां.

वराक 145 ते 155 किलोमिटराच्या वेगान हें वादळ फुडें वचत आसा.

ह्या वादळाक लागून देशभरांतल्या दर्यादेग वाठारांनी वादळी वाऱ्या सयत पावस पडपाची शक्यताय आसा.

Reporter: Bureau | Desk:

What do you feel

Click here