स्पेशल रिपोर्ट : वागांक मारप्यांक दवरल्यात बंदखणींत; पूण तेंचीं कुटुंबां जगतात जीव धरून मुठींत!
स्पेशल रिपोर्ट : वागांक मारप्यांक दवरल्यात बंदखणींत; पूण तेंचीं कुटुंबां जगतात जीव धरून मुठींत!
14 Jan 2020 07:25 PM
कारण वाग तेंच्या जनावरांचेर हल्लो करून तेंका जीवेशी मारताले.
हे विशीं तेंच्यानी रानां खात्याकडेन कितल्योशोच कागाळी केल्यो.
पुण तेकडेन रान खात्यान किंकोत केलें.
वागांक मारपाच्या गुन्यावांत ह्या तीनूय कुटूंबांचे मुखेली आसलेल्या दादल्यांक पुलिशेन अटक केल्या.
आदींच जनावरां मेल्ल्याचें दुख्ख, आनी आतां घरातल्या दादल्यांक पुलिशेन अटक करून व्हेल्ल्यान तेंचेर दुख्खाचो दोंगरच कोंसळ्ळा.
तेंची भुरगीं शाळेंत वचनात.
किद्याक तर दूद बाजारांत विकपाक घेवन वचपी दादले मनीस घरांत ना.
देखून तेंचेर हें काम पडलां.
पळयात गोवा 365यचो हो खाशेलो रिपोर्ट.
घरांतल्या दादल्यांक पुलिशेन अटक करून व्हेल्ल्यान घरांत आतां फकत बायलां आनी भुरगीं आसात.
घरांतली एक चली बारावेक आसा.
कुटूंबाचेर दुख्खाचो दोंगर कोंसळील्ल्यान तिका बारावेची परिक्षा लेगीत दिवपाक मेळूंग ना.
तशेंच बाकीचींय भुरगीं स्कुलांत वचनात.
फाटल्या कितल्याशाच म्हयन्यांसावन वाग तेंची जनावरां मारतालो.
हे विशीं कागाळी करून लेगीत कागाळींची दखल घेवंक नाशिल्ल्यान ह्या कुटूंबांनी रान खात्याचेर फोग काडलो.
प्रसार माध्यमां आनी कांय थळाव्या लोकांनी म्हादय अभयारण्यांत वचून धनगर कुटूबांची
वासपुस केल्या उपरांत आतां सरकारी अधिकाऱ्यांकूय जाग येयल्या.
सत्तरीचो उपजिल्लोधिकारी मंगलदास गांवकार, शिक्षण खात्याचे अधिकारी, नागरी पुरवण खात्याचे अधिकारी आनी दोतोरांनी मंगळारा वचोन तेंची वासपूस केली.
हे एके घडणुकेन पुराय धनगर समाजाक एकठांय हाडला.
तेंकाय ह्या प्रकरणाची खोलायेन चवकशी जाल्ली जाय.
वांगाक विख घालून मारपाची पाळी धनगरांचेर किद्याक येयली हेचीय चवकशी तेंच्यानी मागल्या.
What do you feel
Click here