टाळ-पखवाजाच्या गजरांत वास्कोच्या दामोदर सप्ताची समाप्ती

07 Aug 2019 07:31 PM

टाळ पखवाजाच्या तालार वाजत गाजत खारीवाड्यार श्रीफळाचें विसर्जन केल्या उपरांत वास्कोचो दामोदर भजनी सप्ता सोंपलो.

भजन, दिंडी आऩी गोपाळ काल्या उपरांत सप्तक सोंपता.

वास्कोच्या सप्तकाचें हें 120 वें वर्स. मंगळारा दनपरां 12.30 वरांचेर ह्या फामाद सप्तकाक आरंब जाल्लो.

24 वरांच्या ह्या अखंड सप्ताहांत वेगवेगळ्या मंडळांनी भजनां केलीं.

वास्कोच्या ह्या फामाद सप्तकाक गोंयभरच्यान भावीक हजेरी लायतात.

जायतीं भजनी मंडळां आपली भजनी सेवा सादर करतात.

कांय पुराणीक देखावेय उबारतात. बुधवारा दनपरां खारीवाड्यार श्रीफळाचें विसर्जन करून सप्ताहाची समाप्ती जाली.

दामोदराच्या मंदिरा कडल्यान गोपाळ कालो करत भाविकांनी टाळ मृदंग वाजयत, गोपाळाचो जयघोश करत दिंडी काडली.

खारीवाड्यार श्रीफळाचें विसर्जन करून अंदुच्या सप्तकाची सांगता केली.

पळयात सप्तकांतले उर्बेभरीत खीण.

Reporter: HIru Mahale | Desk: Jawahar Barve

What do you feel

Click here