आडपै अंदूं चित्ररथ आनी दिंडी ना : पूण युवा प्रतिभा आडावं शकलो ना कोरोना!
25 Aug 2020 06:13 PM
मात आडपैकारांनी अंदूं सरकारी नेमांक पाळो दियत चित्ररथ आनी दिंडी काडिनास्तना सादे पद्दतीन गांवांतल्या गणपतींचें विसर्जन करपाचें थारायलां.
आडपै ग्रामस्थ मंडळानच तसो निर्णय घेतला.
आडपैची चवथ चित्ररथ आनी दिंडीक लागून
गोंयभर फामाद.
पूण अंदूं कोरोनाचें सांवट आयलें.
आडपैकारांनीय समाजीक भलायकेचें भान दवरत सादे आनी सोपे पद्दतीन गणेश विसर्जन करपाचो निर्णय घेतला.
पाचवे दिसा, म्हटल्यार बुधवारा आडपै जुवारी न्हंयंत सुमार 17 गणपतींचें विसर्जन जातलें.
तेविशीं म्हायती दिता मंडळाचो अध्यक्ष रामचंद्र मुळे.
चवथी निमितान गणपतीबाप्पा वर्सान एकदां घराघरांत येता.
भुरग्यांचो हो आवडटो देव.
जायते कडेन घरांतलीं भुरगीं गणपतीमुखार आगळे वेगळे देखावे करून आपले भितरले प्रतिभेचें दर्शन घडयतात.
पांच दिसांच्या गणपतीं म्हऱ्यांतले पळोवया अशेच कांय
देखावे.
हो गांवकारवाडो मयेंच्या
कवळेकार फॅमिलींतलो गणपती.
फोलींचें आकर्शक डेकोरेशन केलां तें ऋषभ कवळेकारान.
जाल्यार हें पिसुर्लें होंडाच्या विष्णू गावडेन आपल्या घरांत केल्ली फोलींची सजावट.
आनी सैमाचें प्रतीक आसलेल्या
गणपती म्हऱ्यांत सैमीक वस्तुंचो कल्पक वापर जाता तेन्ना तो देखाव खुबूच सोबीत दिसता.
शेळवण कुडचडच्या मधूर नायकान केळीच्या गाभ्याचो वापर करत देखदिणें मखर केलां. पळयात.
What do you feel
Click here