काँग्रेसीक परतून सत्तेर हाडटल्यो : डॉ. फर्नांडिस

काँग्रेसीन बायलांच्या कल्ल्याणाखातीर साबार येवजण्यो चालीक लायल्यात. तांका स्वावलंबी केल्यात. फुडलें वेचणुकेत काँग्रेसीक सत्तेर हाडपाक गोंयच्या बायलांची म्हत्त्वाची भूमिका आसतली, अशें अखिल भारतीय महिला काँग्रेसीची गोंय प्रभारी दोतोर सीमा फर्नांडिस हाणी सांगलें.

प्रदेश काँग्रेस समितीन धा बायलां गट समित्यांक नेमणूक पत्रां दिलीं. ह्या वेळार ती उलोयताली. दक्षीण गोंय जिल्लो काँग्रेस कार्यालयांत आयोजित केल्ल्या कार्यावळींत डॉरिस टेक्सेरा-मडगाव उर्सिला कॉस्ता-काणकोण, फेल्ड्रिना-केंपे, सोनिया फर्नांडिस-कुंकळ्ळी आनी रजनी रायकार-नावेली हांका दोतोर सीमा फर्नांडिस हाणी नेमणुकीची पत्रां दिलीं

गोवा 365य खातीर मडगावच्यान संदिप तुयेंकार.