कोवीडच्या काळांत 100 कोटींचो धूप किद्याक?: विरोधक सावंत सरकाराचेर फुर्योज!
28 Nov 2020 07:01 PM
कॉंग्रेस आनी गोवा सुरक्षा मंचान शेनवारा तेका हरकत घेतली.
राज्य सध्या कोराना महामारेच्या संकटांतल्यान वयता.
हे 100 कोटी वैजकी सुविधा आनी उपचारां खातीर वावरूं येताले अशें तेंचें म्हणणें.
गोंय सरकारान गोंयचें 60 वें मुक्ती वर्स राज्य आनी राष्ट्रीय पांवड्यार व्हडा
दबाज्यांत करपाचें ठऱयलां.
मुख्यमंत्री प्रमोद सावंतान तशी घोशणा केल्या.
विविध कार्यावळींक केंद्र सरकारा कडल्यान राज्य सरकाराक खंय 100 कोटी मेळटले अशेंय तेणें सांगलें.
तेका हरकत घेतना गोवा सुरक्षा मंचाचो अध्यक्ष नितीन फळदेसाय म्हणटा, होच पयसो उदरगतीचे प्रकल्प, शिक्षण, भलायकीच्यो साधन सुविधा सारकिल्ल्या गजालीं खातीर बरे तरेन वापरूं येतात.
जाल्यार दुसरे वटेन, विरोधी पक्ष फुडारी दिगंबर कामत म्हणटा,
इतलो पयसो मुख्यमंत्र्यान केंद्रा कडल्यान मेळयलो हें बरें केलें.
पूण सध्याची गोंयची कोवीड महामारेंतली अवतिकाय पळयल्यार भलायकी सेवे खातीर आनी गोंयची कोंसळिल्ली अर्थ वेवस्था सुदरपा खातीर ताचो बरो वापर करूं येतालो.
What do you feel
Click here