भाजपांत सगळें किदं बेस बरें चल्लां - फडणवीस

आता परत  एकदा तांणी वेंचणुकेचे तीरा वटेन पेवपाक सुरवात केल्या.  

महाराष्ट्राचो माजी मुख्यमंत्री आनी भाजपाचो गोंयचो वेंचणूक प्रभारी देवेंद्र फडणवीस सोमारा गोंयांत दाखल जालो.  

मुख्यमंत्री डॉ.प्रमोद सावंताच्या नेतृत्वाखाला २०२२ चे विधानसभेंत भाजपा पूर्ण भोवमत मेळयतलो असो विश्वास फडणवीसान पर्थून उक्तायला. 

भाजपांत सगळें किदें वेवस्थीत चल्लां अशें सांगून विरोधकांचे बाण निर्फळ करपाचो यत्न केला.

 फडणवीस सोमारा दनपरां दाबोळी विमानतळार देंवलो.

थंय भाजपाचो प्रदेश अध्यक्ष सदानंद शेट तानावडे, नगरविकासमंत्री मिलिंद नायक, भौशीक बांदकाम मंत्री दीपक पावसकार आनी संघटन सचिव सतीश धोंड हांणी ताका येवकार दिलो.

प्रसारमाध्यमां कडेन उलयतना फडणवीसान सांगलें, भाजपान काम केलां.

देखून वेंचणुकेक वचपाक तो तयार आसा.

 कोव्हिडाचीं संकश्टां, पूर वेवस्थापन, पायाभूत सुविधा प्रकल्प आनी लोकसमर्थक दृष्टिकोण हाचें वेवस्थापन करपाच्या प्रमोद सावंताच्या प्रशासनाचीय ताणें तोखणाय केली.  

फडणविसान कॉंग्रेस आनी आम आदमी पार्टीचेरय बाण सोडले.

ताणें म्हटलें, कॉंग्रेसीचो राष्ट्रीय अध्यक्ष पक्षाच्या नेतृत्व बदलाची मागणी करून अर्दवेळ काम करता, हें कॉंग्रेसीचे फुडारी उक्तेपणान कबूल करतात. 

पक्ष सोडून भाजपांत गेल्ल्या 10 आमदारांचेंय तांणी आत्मपरिक्षण करपाक जाय, असोय ताणें सल्लो दिलो.

 वेंचणुको लागीं पावल्यो काय  'आप' प्रसिद्धी करता, असो आरोपय फडणविसान केलो.

राज्य चलोवपाचो हो मार्ग न्हय, असो शेर्मांवय ताणें आपाक दिलो.

गुजरात आनी कर्नाटकाच्या राजकी बंडाचे फाटभुंयेर वेंचणुके आदीं  गोंयांत नेतृत्व बदला विशीं  फडणविसाक विचारलें.

ताणें सांगलें, हो निर्णय राष्ट्रीय अध्यक्ष आनी संसदीय समितीन घेतला.