पद्मश्री सुरेश गुंडू आमोणकार संवसाराक अंतरलो : जीएमसीक केलो देहदान
पद्मश्री सुरेश गुंडू आमोणकार संवसाराक अंतरलो : जीएमसीक केलो देहदान
08 Dec 2019 06:12 PM
अणकार करपी, एक लेखक, शिक्षण तज्ञ म्हण ताची नामना आसलीं.
कोंकणी अकादमीच्या अध्यक्षपदाचो पदभार ताणें सांबाळिल्लो.
2009 वर्सा भारत सरकारान पद् मश्री पुरस्कार भेटोवन ताच्या कामाचो भोवमान केल्लो.
सुरेश गुंडू आमोणकाराचो जल्मबोरये फोंड्यां जाल्लो.
गोवा बोर्ड ऑफ हायरसेकंडरीचो तो आदलो अध्यक्ष.
कोंकणी अणकाराच्या मळार ताणें व्हडलो वावर केला.
हेर पुस्तकां बरोबर भगवद् गीता आनी ज्ञानेश्वरीचोय ताणें कोंकणींत अणकार केला.
कॅन्सरा कडेन 4 खेपे ताणें झूज दिल्लें. दोनापावला पुताच्या घराकडेन रावतालो.
84 वर्सांचे पिरायेर पाविल्लो तरीकय बरोवपाचें तेणें थांबोवंक नासलें.
हॉस्पिटलांत उपचार घेवन घरा आयल्या उपरांत घरा कडेनच आयतारा दनपरां दोनांक सुमार ताणें निमणो स्वास घेतलो. तेच्या निमणे इत्सेप्रमाण घरच्यांनी तेची कूड जीएमसीचे सुवाधीन केली.
तेका लागोन सुरेशबाबाचे कुडीचेर धर्मीक पद्दतीन आनी वेगळे निमणे विधी जावचेनात.
What do you feel
Click here