अलविदा! अटलजीक भावपुर्ण निरोप
अलविदा! अटलजीक भावपुर्ण निरोप
17 Aug 2018 06:48 PM
अटलजीची पोसकी धूव नमिता भट्ट्चार्यान ताचे कुडीक अग्नी दिलो. कविमनाचो हो राजकारणी अनंतांत विलीन जालो. पूण सगळ्यांची काळजां रडोवन आनी सासणाचो अमर जावन.
भारत रत्न फावो जाल्ल्या ह्या मनस्वी राजकारण्याक निरोप दिवपाक हजारांनी लोक यमुनेचे देगेर जमिल्ले. ताचे आदीं शुक्रारा दीसभर भाजपाच्या मुखेल कार्यालयांत ताचे कुडीचें दर्शन घेवपाकय अशीच लोकांनी गर्दी केल्ली. भारत देशाच्या ह्या मोगाच्या फुडाऱ्याचें अंतीम दर्शन घेवपाक जशे राजकी फुडारी आयिल्ले तशेच साहित्यीक, कलाकार, सामाजीक वावुरपी आनी हेर लोकांनीय गर्दी केल्ली.
ऱाष्ट्रपती रामनाथ कोविंद, उपराष्ट्रपती व्यंकय्या नायडू, प्रधानमंत्री नरेन्द्र मोदी, आदलो प्रधानमंत्री मनमोहन सिंग, गृह मंत्री राजनाथ सिंग, भाजपा अध्यक्ष अमित शहा, म्हालगडो भाजपा फुडारी लालकृष्ण अडवाणी, काँग्रेस अध्यक्ष राहुल गांधी अशे सगळेच फुडारी निमण्या संस्कारावेळार मुजरत हजर आशिल्ले.
ते भायर सार्क देशांचे प्रतिनिधी म्हुणून अफगाणिस्तानाचो आदलो अध्यक्ष हमीद करझाई, पाकिस्तानाचो प्रभारी कायदो मंत्री सय्यद अली जाफर, नेपाळाचो परराष्ट्र मंत्री प्रदीप कुमार ग्यावळी, भुतानाचो राजा जिगमे खेसर नामगेल वांगचुक आनी श्रीलंकेचो प्रभारी परराष्ट्र मंत्री लक्ष्मण किरियेला हेय वाजपेयीक आर्गां ओंपपाखातीर मुद्दाम आयिल्ले.
हजारांनी
भारतीयांचे हजेरेंत ताची धूव नमिता भट्टाचार्यान अग्नी दिवन हो उत्तुंग
व्यक्तिमत्वाचो फुडारी अनंतांत विलीन जालो.
What do you feel
Click here