केंद्रान भायर माल्लो वटहुकुमाचो प्रस्ताव, मायनिंग ह्या वर्सा सुरू जायना
केंद्रान भायर माल्लो वटहुकुमाचो प्रस्ताव, मायनिंग ह्या वर्सा सुरू जायना
08 Nov 2018 08:22 PM
. डिसेंबरांत संसदेचें अधिवेशन जातलें तेन्ना ह्या प्रस्तावाचें विधेयक संमत जातलें.
पूण विरोधी पक्ष, सामाजीक वावुरपी आनी मायनिंग अवलंबीत म्हणटात, सरकारान आमकां पुराय फोंडांत घातलें.
बिरेस्तारा दनपारमेरेन फायनान्शियल एक्स्प्रेसाच्या वॅबसायटीचेर बातमी आयली – केंद्रान वटहुकुमाचो प्रस्ताव भायर माल्लो.
कित्याक तर केंद्राच्या मतान मायनिंग हो विशय़ राज्य सरकाराचो.
तेन्ना केंद्र सरकार तातूंत हस्तक्षेप करपाक सोदना.
मुख्यमंत्री मनोहर पर्रीकारान 24 सप्टेंबराक केंद्र सरकाराक पत्र बरयिल्लें आनी एमएमडीआर कायद्यांत बदल करात म्हूण मागणी केल्ली.
50 वर्सांचो लिजाचो काळ 1961 सावन धल्ला तो 1987 सावन धरपाचो बदल. ताचे खातीर अधिवेशन चालू ना म्हूण बेगोबेग वटहुकूम काडपाचो प्रस्ताव दिल्लो. पूण तो केंद्रान न्हयकाल्ला.
पूण नरेन्द्र सावयकार आनी विनय तेंडुलकार हे दोगय भाजपाचे खासदार म्हणटात तांचें सरकार विधेयक खात्रीन हाडटले.
आनी वीज मंत्री निलेश काब्राल म्हणटा डिसेंबराच्या अधिवेशनांत हें विधेयक येतलेंच.
पूण विरोधी काँग्रेस पक्ष, ट्रकवाले आनी सामाजीक वावुरपी हांचे मदीं एके गजालीचेर एकमत आसा.
तांकां भाजपान फटयले.
What do you feel
Click here