सरकाराचें नियोजन ना, उदकाचे बाबतींत सरकार सुसेगाद कित्याक : सुदिन
21 Aug 2019 07:22 PM
अशें आसलें तरी उदक नेमकें केन्ना मेळटलें, हाची शाश्वती कोणच
दिवपाक शकना.
पायप लायनीचेर केल्ल्या खर्चाचे पैशे कोण फारिक करतलो?, थळावे लोक प्रस्न विचारतात.
जे किदें काम केलां ताचें वेवस्थित नियोजन केल्लें काय ना, खांडेपारचो जागृत समाजवावुरपी आनी वेवसायी संदिप पारकार विचारता.
सरकारान हाचेर कारवाय कित्याक करूक ना, आदलो भौशिक बांदकाम मंत्री सुदिन ढवळीकारान प्रस्न विचारला.
उदकाविणें लोक सुक्यार पडपाचो आयचो सातवो दीस. राजधानी पणजे बरोबरच लागसारचे वांठार आनी फोंडेकार उदकाक तानेल्यात.
सरकाराक पर्यायी वेवस्था करपाकय अपेस आयलां. ज्या लोकांनी आपल्यो बांयो सामाळून दवरल्यात ते ह्या पाणीबाणी संकटांतल्यान साल्वार जाल्यार.
बाकीच्या लोकांक मात बरोच त्रास सोंसचो पडटा. कांय कडेन टॅंकरीच्या उदकाक लागून केस्तावांय जावंक लागल्यांत. चिंबला जाल्यार उदकाच्या लायनींनी रस्तोच आडावन उरिल्लो.
What do you feel
Click here