सुरक्षा दिल्यारच दितले सेवा: गोमेकॉच्या दोतोरांची शिटकावणी

जीएआरडी, म्हटल्यार गोवा असोसिएशन ऑफ रेसिडेंट डॉक्टर्स हे गोमेकॉचे दोतोरांचे संघटनेन म्हटलां.

जाल्यार गोंयांतलें लॉकडावन आनीक कांय तेंपा खातीर वाडोवचें अशें कांय तज्ञ दोतोर, सरकारांतले मंत्री आनी विरोधी आमदारय मागपाक लागल्यात.

गोवा असोसिएशन ऑफ रेसिडेंट डॉक्टर्स हे संघटनेन काडिल्ल्या पत्रकांत ते म्हणटात, SGDH आसूं, ई एस आय आसूं, फोंडेंचें हॉस्पिटल वा जंय कोवीड उपचार केंद्रां उबारल्यांत, जंय जंय आमकां धाडले थंय थंय आमी बरी सेवा दिल्या.

पूण मुळांत ऑक्सिजन, कॉटी, मनीसबळ, मुळाव्या सुविधांचोच उणाव आशिल्ल्यान पेशंट आनी तांची फॅमीली दोतोरांचेर तिडक काडटात.

धमक्यो दितात. देखून आमकां सुरक्षा जाय.

15 दिसांचें लॉकडावन वाडयात. तशें केल्यार कोरोनाची सांखळी तुटपाक मजत जातली अशें इंडियन मेडिकल असोसिएशनाच्या गोंय विभागान म्हटलां.

ताका हेर दोतोरांनीय तेंको दिला.

पळयात चिखली कॉटेज हॉस्पिटलाचो दोतोर अनिल उम्रसकार किदें सांगता तो.

जाल्यार सरकारांतले मंत्री आनी विरोधांतले आमदारांकय लॉकडावन वाडोवपाची गरज दिसपाक लागल्या.

पळयात सरकारांतलो मंत्री मायकल लोबो आनी प्रियोळचो आमदार सुदिन ढवळीकार किदें सांगपाक सोदतात ते.