गोंय शिपयार्डाक मेळ्ळी सगळ्यांत व्हडली ऑर्डर

गोवा शिपयार्डाक आतामेरेनची सगळ्यांत व्हडली ऑर्डर मेळ्ळ्या. हे ऑर्डरीखाला गोंय शिपयार्ड भारतीय नौदळा खातीर दोन अत्याधुनीक मिसायल फ्रिगेट्स बांदतलें. केंद्रीय संरक्षण राज्यमंत्री श्रीपाद नायकान सांगलें.

भारतीय तटरक्षक दलाखातीर बांदिल्ल्या ऑफ शोअर पेट्रोलिंग करपी बोटीच्या उक्तावणा वेळार तो उलयतालो.

हो प्रकल्प गोंय शिपयार्डाखातीर भविश्यांत शस्त्रां आनी तंत्रज्ञानान प्रगत अश्यो युद्धनौको बांदपाचे दिश्टिन म्हत्वाचें पावल थारतलें. तशेंच केंद्राच्या मेक इन इंडिया उद्देशाकय प्रोत्साहन मेळटलें, अशेंय मंत्री नायकान सांगलें.

ह्या वेळार गोवा शिपयार्डाचो वेवस्थापकी संचालक बी.बी. नागपाल आनी संरक्षण उत्पादनाचो केंद्रिय सचिव सुभाश चंद्रा आनी हेर मानेस्त हजर आशिल्ले.

भारतीय तटरक्षक दलाची गरज लक्षांत घेवन हे पेट्रोलिंग बोटिची बांदणी केल्ल्याचें तटरक्षक दलाचो डी.जी. कृष्णास्वामी नटराजनान सांगलें.

स्वयंचलित यंत्रणा आशिल्ली ही बोट अत्याधुनिक अशें कमी वजनाचें हेलिकॉप्टर घेवन वचपाक शकता, अशेंय ताणें सांगलें.