खोर्लेचो शिशिरोत्सव, बाळ्ळेची जात्रा आनी नगरगांवचो कोरुलो

15 Mar 2020 06:30 PM

बरे भशेन जगपा खातीर ज्ञान विज्ञान आनी तेच्या बरोबरच संस्कार जावपा खातीर संस्कृतीक कार्यावळी भोव गरजेच्यो.



कोरोना व्हायरसाचे फाटभुंयेर गोंयांतल्या गांवगिऱ्या वाठारांनी भाविकांनी गर्दी करून उत्सव मनोवप चालूच दवरलां.  

जावं तो मागीर खोर्ली म्हापशेंचो शिशिरोत्सव, बाळ्ळेची जात्रा वा सत्तरींतल्यो कोरुल्यो.

मारुया एक नदर, पळोवया कशे उमेदीन मनयले हे उत्सव.  


खोर्ली म्हापशेंच्या सांतेरी मंदिरांत वर्सुकी  शिशिरोत्सव व्हडा उमेदीन आनी विविध कलात्मक-संस्कृतीक कार्यावळीं सयत मनयलो.

तालमीं सावन नाटकांचें सादरीकरण होवूय एक उत्सवाचोच भाग.

सांतेरी प्रासादीक कला आनी संस्कृतीक नाट्यमंडळाचे वतीन चार दर्जेदार नाटकां सादर जालीं.

सह्याद्री सांगे कथा शंभुची, मंदीर, याजसाठी केला होता अट्टाहास आनी प्रेम करा रे प्रेम करा ह्या चारय नाटकांक रसिकांचो बेसबरो प्रतिसाद लाबलो.

आयतारा गुलालोत्सव जालो. रोमटामेळांत वाठारांतल्या भाविकांनी मोठे संख्येन वांटो घेतलो.

नाटकांच्या आदीं अचकीत काळा आड गेल्ल्या कलाकारांक आर्गां ओपलीं.

त्या उपरांत पारंपारीक नांदी उपरांत नाटकांची माळ सुरू जाली.

पळयात ह्या नाटकांतले कांय खीण.


बाळ्ळेच्या शांतादुर्गेचे जात्रेक सुरवात जाल्या.

आयतारा महारथ उद्यापन, शुद्धीकरण, अभिशेक आदी धर्मीक संस्कृतीक विधी जाले.

गांवांत बाळ्ळीकरणीची पालखी भोंवडायली.

सांजे दिवजांचो उपास जातलो.

राती 10.30 वरांचेर महारथ भोंवतलो.

17 तारखेर गड्यांचो उत्सव जातलो.

रातीकडेन पालखी देवळांत वयतली. पळयात पालखेचे खीण. 

 सत्तरींतल्या नगरगांवच्या कोरुल्यांक शेनवारा सुरवात जाल्या.

देगेकुशीच्या सगळ्या वाठारांनी, वाड्यांचेर कोरुले आनी देव भोंवून कौल आनी तीर्थ दितात.

घराघरांनी कोरुल्यांची आनी देवाची पुजा करून आशिर्वाद घेतात.

आयतारा राती मेरेन हो उत्सव चलचलो.

पळयात कौल आनी तीर्थ-प्रसादाचे खीण.  

Reporter: Ramesh Naik Raut | Desk: Jawahar Barve | Camera: Aniket Narvekar



What do you feel

Click here


Other News


Related News