परवान्यां बगरचीं दुकानां बंद : वास्कोंत कारवाय
22 Jul 2021 01:51 PM
कांय जाणांनी परवान्यांचें नुतनीकरण करूंक ना, जाल्यार कांय जाणांकडेन परवानेच नाशिल्ल्याचें दिसून आयलें.
परवाने नाशिल्लीं कांय दुकानां बंद करपाक लायलीं, जाल्यार कांय जाणांक तात्पुरती थाकाय दिल्या.
हेविशीं अहवाल तयार करून तो पालिकेक धाडून दितले.
अन्न आनी वखदां प्रशासन,
भलायकी खातें आनी वजन माप खात्यान
केल्ले जोड पळोवणेंत हो प्रकार उक्ताडार आयलो.
दुकानांतल्यो तागड्यो सारक्यो नात.
उदक वापरतात तेंय बोरवेलीचें. भलायकेचे दिश्टिन म्हत्वाची गजाल म्हटल्यार नितळसाण.
पुण हांगासर नितळसाण म्हणटा ती दिश्टीच पडना.
आनी अजापाची गजाल म्हटल्यार तांचेकडेन परवानेच ना.
पालिकेक पळोवणी करपाक सांगिल्ली.
पुण पालिका मुख्याधिकाऱ्यान ही मागणी भायरायली.
पालिकेच्या ह्या बेजाबदारपणाचेर निज गोंयकार एनजीओन तिडक उक्तायल्या.
एके वटेन येणावळ ना म्हुण
रडपी पालिकेन ह्या सगळ्या प्रकाराचेर लक्ष दिल्लें जाल्यार तांचे येणावळीचो मार्गय
मेकळो जाता आशिल्लो.
ह्या सगळ्या प्रकारा खातीर एनजीओन पालिकेकूच जबाबदार धरलां.
What do you feel
Click here