कला अकादमी तात्पुरती आदिलशहा पालाशींत, पूण मोडचे नातः गोविंद
19 Aug 2019 08:53 PM
तज्ञांचो अहवाल येसर फुडलो निर्णय घेवचे नात.
कला अकादमींत जातल्या कार्यावळींचें बुकिंगय 1 ऑगस्टाच्यान बंद केलां.
वायट घडणूक घडची न्हय म्हण तसो निर्णय घेतला पूण कला अकादमी मोडचे नात अशें कला संस्कृतीमंत्री गोविंद गावडेन सांगलां.
कला अकादमीचें ऑडियोटोरियम, हेर स्लॅबांक गळटी लागल्या.
पयल्या माळ्यार चलपी संगीतवाद्यांच्या, नाचाच्या व्हायब्रेशनाचो लेगीत इमारतीचेर परिणाम जावंक लागला.
अशे परिस्थितींत कसलीच वायट घडणूक घडची न्हय म्हूण ही जतनाय घेतल्या. कारण गोंय अभियांत्रिकी महाविद्यालयानय ही इमारत घटमूट ना असो अहवाल दिला.
आनी तज्ञांचो आनीक एक अहवाल 8 सप्टेंबरा मेळटलो.
उपरांत सगळ्यांक विस्वासांत घेवन निर्णय घेतले.
तेमेरेन कला अकादमीचीं कार्यालयां आनी कला वर्ग आदिलशहा पॅलेसींत हालयतले अशें गोविंद गावडे म्हणटा.
What do you feel
Click here