विनोदी साहित्य वाचात, डिप्रेशनापासून स्वताक वाचयात: ‘बिम्ब’18 व्यांत
21 Oct 2019 08:26 PM
ह्या डिप्रेशनांतल्यान फकत पुस्तकांच वाचोवपाक शकतात.
विनोदी साहित्य वाचात आनी बरे तरेन जगात. विनोदी साहित्यीक कृ. म. सुखठणकारान आवाहन केलां.
जाल्यार बिम्ब हें कोंकणी म्हयन्याळें आपूण 25 वर्सां मेरेन चलयतलों.
त्या फुडें तें कोणाक चलोवपाचें आसत जाल्यार चलोवपाक मेकळे आसात अशें बिम्बचो संपादक दिलीप बोरकारान जाहीर केलें.
बिम्ब ह्या कोंकणी म्हयनाळ्याचो वर्सुकी हास्य बिम्ब सुवाळो शेनवारा जालो.
पाटो पणजेच्या कला आनी संस्कृती खात्याच्या भोव उद्देशी सभाघरांत जाल्ल्या ह्या सुवाळ्यांत बोरकारी खंड 3, कृ. म. सुखठणकाराचें नारंगां आनी सुरसुरीं आनी बिम्बच्या दिवाळी अंकाचें विमोचन जालें.
सुवाळ्याक बिंबचो संपादक दिलीप बोरकार, लोकमतचो संपादक राजू नायक, आदली मंत्री निर्मला सावंत आनी चिन्मय घैसास हजर आसले.
चिन्मय घैसासय सुखठणकाराच्या पुस्तकाचेर उलयलो.
जाल्यार निर्मला सावंतान सांगलें, गोंयकारांविशीं गोंया भायर चुकीचें चित्र पितारिल्लें दिश्टी पडटा.
ताका जबाबदार सरकार.
हें चित्र बदलपा खातीर साहित्यीकांनी यत्न करचे.
गोंय मुक्ती उपरांत कोंकणीच्या मळार कितें व्हडलें आनी बरें घडलां आसत जाल्यार तें बिम्ब म्हयन्याळें अशें बिम्बच्या कोंकणींतल्या योगदानाविशीं उलयतना राजू नायकान म्हटलें.
What do you feel
Click here