मूळचो सावय वेरेंचो रवींद्र नायक कामा निमतान घरकान्न आनी चलये सयत फोंड्यां रावतालो.

शिक्षक आसलो तरी नाटकांचें पिशें.

कला चेतना वळवयचो तो संस्थापक वांगडी.

हंस, वरदांबिका, अथश्री, सिद्धीनंदन थिएटर्स, विमलानंद, रुद्रेश्वर, कला चेतना अशा साबार संस्थां वांगडा काम केलें.

ह्या संस्थांच्या नाटकांतल्यान तो दरेका घरांत पावलो, दरेका काळजांत घर करून रावलो.

उत्सवांतल्या नाटकांनी तोंडाक रंग लायतालोच, कला अकादमीच्या नाट्य सर्तींनीय तितलेच उमेदीन वांटेकार जातालो.

पणजी दूरदर्शनाच्या आयज तिठ्यार कार्यावळींत ताणें उबें केल्लें सरपंचाचें सवंग मजेशीर आशिल्लें. 

ताच्या पार्थिव आदीं फोंड्याच्या घरांत व्हेलें.

थंय लोकांनी दर्शन घेतल्या उपरांत ताच्या मुळाव्या घरा सावयवेऱ्या हाडलें. त्यावेळार वेगवेगळ्या मळांवेल्या मानेस्तांनी रवींद्र नायकाक आर्गां ओंपलीं.  

इथे ओशाळला मृत्यु हें ताचें निमणें नाटक.

 ताचे बरोबर कला आऩी संस्कृती मंत्री गोविंद गावडेय ह्या नाटकांत काम करतालो.

रवींद्र ओरंगझेब जाल्यार गोविंद संभाजी.

ह्या नाटकाचो आयतारा फोंडेंच्या राजीव गांधी कलामंदिरांत प्रयोग  जावपाचो आशिल्लो.

पूण बुधवारा राती कडेन नाटकाची तालीम सोंपोवन घरा वतना रविन्द्राक अचकीत काळजाचो आताक आयलो आनी थंयच ताणें सासणाची एक्झीट घेतली.

फकत 57 वर्सांचे पिरायेर.

ताची शिक्षकी नदर आनी शिस्त तो वावुरतल्या दरेका मळार दिश्टी पडटाली.

मागीर तें नाटक आसूं वा एन्करींग.

गोवा 365 चें कोंकणी बुलेटीन सुरू करपाक ताणेंच फुडाकार घेतिल्लो.  

गोवा 365 न रवींद्र नायकाक आर्गां भेटयलीं.

त्यावेळार पुराय स्टाफाच्या दोळ्यांत दुकां दाटिल्लीं.

सोमारा गोवा 365 खातीर ताणें केल्लें एन्करिंग हें ताचें निमणें एन्करिंग. 

ह्या फुडें ती काळजाची भास परत आयकुपाक मेळची ना.

मूळचो सावय वेरेंचो रवींद्र नायक कामा निमतान घरकान्न आनी चलये सयत फोंड्यां रावतालो.

शिक्षक आसलो तरी नाटकांचें पिशें.

कला चेतना वळवयचो तो संस्थापक वांगडी.

हंस, वरदांबिका, अथश्री, सिद्धीनंदन थिएटर्स, विमलानंद, रुद्रेश्वर, कला चेतना अशा साबार संस्थां वांगडा काम केलें.

ह्या संस्थांच्या नाटकांतल्यान तो दरेका घरांत पावलो, दरेका काळजांत घर करून रावलो.

उत्सवांतल्या नाटकांनी तोंडाक रंग लायतालोच, कला अकादमीच्या नाट्य सर्तींनीय तितलेच उमेदीन वांटेकार जातालो.

पणजी दूरदर्शनाच्या आयज तिठ्यार कार्यावळींत ताणें उबें केल्लें सरपंचाचें सवंग मजेशीर आशिल्लें. 

ताच्या पार्थिव आदीं फोंड्याच्या घरांत व्हेलें.

थंय लोकांनी दर्शन घेतल्या उपरांत ताच्या मुळाव्या घरा सावयवेऱ्या हाडलें. त्यावेळार वेगवेगळ्या मळांवेल्या मानेस्तांनी रवींद्र नायकाक आर्गां ओंपलीं.  

इथे ओशाळला मृत्यु हें ताचें निमणें नाटक.

 ताचे बरोबर कला आऩी संस्कृती मंत्री गोविंद गावडेय ह्या नाटकांत काम करतालो.

रवींद्र ओरंगझेब जाल्यार गोविंद संभाजी.

ह्या नाटकाचो आयतारा फोंडेंच्या राजीव गांधी कलामंदिरांत प्रयोग  जावपाचो आशिल्लो.

पूण बुधवारा राती कडेन नाटकाची तालीम सोंपोवन घरा वतना रविन्द्राक अचकीत काळजाचो आताक आयलो आनी थंयच ताणें सासणाची एक्झीट घेतली.

फकत 57 वर्सांचे पिरायेर.

ताची शिक्षकी नदर आनी शिस्त तो वावुरतल्या दरेका मळार दिश्टी पडटाली.

मागीर तें नाटक आसूं वा एन्करींग.

गोवा 365 चें कोंकणी बुलेटीन सुरू करपाक ताणेंच फुडाकार घेतिल्लो.  

गोवा 365 न रवींद्र नायकाक आर्गां भेटयलीं.

त्यावेळार पुराय स्टाफाच्या दोळ्यांत दुकां दाटिल्लीं.

सोमारा गोवा 365 खातीर ताणें केल्लें एन्करिंग हें ताचें निमणें एन्करिंग. 

ह्या फुडें ती काळजाची भास परत आयकुपाक मेळची ना.