सोनसड्यार परतून एक फावट उजो पेटलो. हो उजो पालोवपाखातीर दोन फायर टेंडर मागयल्ले. वाऱ्याक लागोन कोयराक लागलेलो उजो आणीक भगभगलो.

ह्या उज्याक लागोन लागसार आशिल्लें मनोविकास हायस्कूल बंद दवरचें पडलें. उज्याच्या धुंवराक लागून वाठारांतल्या लोकांक बरोच त्रास जालो. फाटले खेपेपरस हे फावट तरी उजो बेगीन पालोवचो, अशी आस्तय लोकांनी उक्तायल्या.

कोयराचें सर्वेक्षण करपाक गेल्ल्या कामगाराचो हाय टेंशन वायरीक स्पर्श जालो. उपरांत स्पार्क जावन कोयराक उजो लागलो. सर्वेक्षण करपी कामगारय जखमी जालो.

जखमी कामगाराक उपचारां खातीर हॉस्पिटलांत भर्ती केला. हो उजो लागपाक मडगांव पालिका आनी वीज खातें जबाबदार आशिल्ल्याचें लोक म्हणटात. कित्याक तर तांणी वेवस्थीत जतनाय घेवपाक जाय आशिल्ली, अशेंय तांचें म्हण्णें.

फाटल्या मे म्हयन्यांत सोनसड्यावेल्या कोयराक उजो लागिल्लो. त्यावेळार गोंय प्रदूषण नियंत्रण मंडळान हे विशीं मडगांव पालिकेक शो कॉज नोटिस धाडिल्ली. 

सोनसड्यार परतून एक फावट उजो पेटलो. हो उजो पालोवपाखातीर दोन फायर टेंडर मागयल्ले. वाऱ्याक लागोन कोयराक लागलेलो उजो आणीक भगभगलो.

ह्या उज्याक लागोन लागसार आशिल्लें मनोविकास हायस्कूल बंद दवरचें पडलें. उज्याच्या धुंवराक लागून वाठारांतल्या लोकांक बरोच त्रास जालो. फाटले खेपेपरस हे फावट तरी उजो बेगीन पालोवचो, अशी आस्तय लोकांनी उक्तायल्या.

कोयराचें सर्वेक्षण करपाक गेल्ल्या कामगाराचो हाय टेंशन वायरीक स्पर्श जालो. उपरांत स्पार्क जावन कोयराक उजो लागलो. सर्वेक्षण करपी कामगारय जखमी जालो.

जखमी कामगाराक उपचारां खातीर हॉस्पिटलांत भर्ती केला. हो उजो लागपाक मडगांव पालिका आनी वीज खातें जबाबदार आशिल्ल्याचें लोक म्हणटात. कित्याक तर तांणी वेवस्थीत जतनाय घेवपाक जाय आशिल्ली, अशेंय तांचें म्हण्णें.

फाटल्या मे म्हयन्यांत सोनसड्यावेल्या कोयराक उजो लागिल्लो. त्यावेळार गोंय प्रदूषण नियंत्रण मंडळान हे विशीं मडगांव पालिकेक शो कॉज नोटिस धाडिल्ली.