वास्को एमपीटीच्या टगाचो ट्रॉलरांक धपको : 95 लाखांचें लुकसाण

वास्कोच्या एमपीटी टगान कांय ट्रॉलरांक धपको दिल्ल्यान ट्रॉलरांचें सुमार 95.95 लाखांचें लुकसाण जालां. आदलो मंत्री आनी GFBOA चो अध्यक्ष फिलीप डिसौझान तेविशीं नुस्तेंमार मंत्री आनी एमपीटीक चीट बरोवन लुकसाण भरपाय दिवपाची मागणी केल्या.

बुधवारा रातीकडेन ही घडणूक घडली. वास्को फिशिंग जेटीसावन 20 मिटरांच्या अंतराचेर नुस्तेंमारी करपी बोटी लंगर करताल्यो. ह्याच वेळार एमपीटीच्या  एका टगान स ट्रॉलर्सांक धपको दिलो. तांचे बरोबर हेर बोटीय खेंचल्यो. अशे धपके दिवपाची ही तिसरी खेप. ह्या प्रकाराची चवकशी करची अशें गोवा फिशिंग बोट ओनर्स असोसिएशनाचो अध्यक्ष फिलीप डिसौझान चीट बरोवन नुस्तेमारी मंत्र्याक आनी एमपीटीक कळीत केलां.