आदलो उपमुख्यमंत्री फ्रांसिस डिसोझाची कूड लायली मातयेक
आदलो उपमुख्यमंत्री फ्रांसिस डिसोझाची कूड लायली मातयेक
16 Feb 2019 07:39 PM
आदलो उपमुख्यमंत्री फ्रांसिस डिसोझाची कूड शेनवारा सांजे शाही इतमामान मातयेक लायली. बंदुकांची सलामी दिले उपरांत म्हापशेंच्या सेंट जेरोम इगर्जेंत मीस जालें.
64 वर्सां पिरायेच्या ह्या पांच फावट आमदार आशिल्ल्या राजकारण्यांक निरोप दिवपाक लोकांनी ही गर्दी केल्ली.
डिसोझाच्या इंतेराक आर्चबिशप फिलीप नेरी फेर्राव मुद्दाम आयिल्लो. ताची कूड तिरंगी बावट्यांत गुठलावन सकाळसावन लोकांच्या दर्शनाखातीर दवरिल्ली.कूड भायर काडटना ताका बंदुकांची सलामी दिली.
सभापती डॉ प्रमोद सावंत, मंत्रिमंडळांतले मंत्री, भोवतेक सगळ्याच
राजकी पक्षांचे आमदार तशेंच हेर मळांवेले कितलेशेच मानेस्त ताच्या मर्णाक हजर आशिल्ले.
What do you feel
Click here