चवगांचे बळी, पांचशें कोटींची लुकसाण : मुख्यमंत्र्याची हुंवार पिडेस्त वाठारांक भेट
24 Jul 2021 07:20 PM
तिगांक विजेचो शॉक येवन मरण आयलें, जाल्यार धारबांदोड्यां एके जाण्टेचो जीव गेलो.
पांचशें कोटींच्या वयर लुकसाण जाल्ल्याचो अदमास आसा.
केंद्रा कडल्यान मजत मागल्या.
मुख्यमंत्री प्रमोद सावंतान सांगलें, धारबांदोडा वाठारांत मुख्यमंत्री प्रमोदा सावंतान, जाल्यार बांदोडेंचे साफा मशिदीक उपमुख्यमंत्री बाबू कवळेंकार आनी मंत्री गोविंद गावडेन भेट दिली.
बिरेस्तारच्या पावसाच्या तांडवा उपरांतचो दुसरो पांवडो म्हटल्यार मजतीचो वावर.
सरकारान तो हातांत घेतला.
मुख्यमंत्री प्रमोद सावंतान स्वता हुंवार पिडेस्त वाठारांक भेटी दिवन लोकांक आश्वस्त केले.
दावकोण धारबांदोड्यां, भामय, उसगांवां भेटी दिवन पिडेस्तांक आलाशिरो आनी जेवणा-खाणाची तजवीज केली.
हुंवाराचो हुलोप लागिल्ल्या पिडेस्तांक 15 दिसां भितर लुकसाण भरपाय मेळटली अशें उतरय मुख्यमंत्र्यान दिलां.
ट्वीट करून ताणें ही म्हायती दिल्या.
हुंवारी पावसान मशिदीच्या बांदकामाकय तडाखो दिलो.
मशिदीचें कांय बांदकाम कोंसळ्ळां.
उपमुख्यमंत्री बाबू कवळेकार आऩी कला आनी संस्कृतीमंत्री गोविंद गावडेन मशिदीची पळोवणी करून बेगोबेग थंयचे प्रस्न जाग्यार घालपाचें उतर दिलें.
तातूंत फ्लायओव्हराचोय मुद्दो आसा.
पळयात मशिदीच्या पदाधिकाऱ्यांनी केल्ल्यो मागण्यो आनी मंत्र्यानी दिल्लें उतर.
What do you feel
Click here