संवसार सांवरपी कागदांय गेलीं व्हांवून : भामय, पाळयेकारांचें आक्रंदन

बिरेस्तारच्या हुंवारान दिल्ल्या धपक्यांतल्यान भामय आनी पाळयेचे लोक सांवरपाक सोदतात. धोंपरभर उदकांतल्यान तांणी हातीक मेळटा तें आंनी एकामेकांक वाटावपाचो यत्न केलो. पूण उतरां पावलाक जांची गरज पडटा तीं म्हत्वाचीं कागदपत्रां मात व्हांवून गेलीं. देखून तांणी सरकारी मजतीची अपेक्षा दवरल्या.

बिरेस्तारा मळब फुडलें. गोंय व्हांवलें. घरां बरोबर जायत्या जाणांचे घरसंवसारय उध्वस्त जाले. ते वस्तुस्थितींतल्यान लोक आतां शितिदांत येवपाचो यत्न करपाक लागल्यात. पाळी आनी भामयकारांनीय वायट अणभव घेतलो. बुधवारा आमचो खबरांकार अवतिकाय पळोवपाक गेलो तेन्ना तांच्या भावनांचो बांद फुटलो. दुकां आवरप कठीण जालें.

आनी हो भामयचो साजीद शेख. ताचोय संवसार उबंतर पडला. घराचीं पाखीं उडून गेल्यांत. उदकाचेय हाल चल्ल्यात.

किद्याक तर हुंवारांत मोडून गेल्लीं पायपां, तुटलेल्यो विजेच्यो वायरींचें काम अजून जाग्यारपडूंक ना. तोवूय वाट पळयता, सरकारी अधिकारी येतले आनी आपलो संवसार आसलो तसो पर्थून जाग्यार घालतले. पूण अजून मेरेन थंय कोण पावलो ना हेंवूय तितलेंच खरें.

 

गोवा 365 य खातीर दिवचलच्यान महेश गोवेकार.