पावसाचो सांवार: घरां कोंसळ्ळीं, गांव गेले उदका पोंदा

08 Aug 2019 07:02 PM

घरां पडलीं, गाडयांचें लुकसाण जालें, रस्ते न्हंयांवरी भरून व्हांवपाक लागले.



चौथ्या दिसाय पावसाचो नेट आसा तसोच आसा.

सुमार 150 लोकांक सुरक्षीत जाग्यार व्हरून दवरल्यात.

शेजारच्या महाराष्ट्र आनी कर्नाटक राज्यांनी तर हाचेकय वायट परिस्थिती आसा.

कितलेशेच गांव बुडले, कितलेशेच लोक व्हांवन गेले.

बेळगांवां गेल्ल्या एकल्या गोंयकाराची कार जांबोटी व्हांवन गेली. दोंगरांची पालसणां कोंसळिल्ल्यान चोर्ला घाट, तिळारी घाट बंद आसात.

ताका लागून भायल्यान येवपी नुस्तें, भाजी आनी दुदू गोंयांत येवप  बंद जालां. 

गोंयच्या कितल्याशाच वाठारांनी हुंवारावरीच स्थिती आसा, खास करून साळ, रेवोड्यां, कामुर्ली, मेणकुरें, इब्रामपुर आनी पेडण्यां.

तशेंच पेडण्यां साकून काणकोण मेरेन कितल्याशाच लोकांक वाटोवन सुरक्षीत जाग्यार व्हेरून दवरल्यात.  

फाटल्या दोन दिसां सावन गोंयच्या कांय वाठारांनी लायटच ना. काय सुवातांचेर तर लोकांक तांचीं घरां सोडून वच्चे पडलें.

लायफबोटींचो वापर करून जाणट्यांक सुरक्षीत जाग्यार व्हरून दवरल्यात.

आंबोली, चोर्ला आनी अनमोड घाटांत दोंगराचीं पालसणां कोंसळून रस्ते बंद जाले.

ताका लागून महाराष्ट्र आनी गोंयच्यान दूद आनी भाजयेच्यो गाडयो येवक नात.

दर्योय खवदळील्ल्यान नुस्तें मार्केटांय रितीं-रितीं दिसतालीं.

भायल्यान येवपी भाजी बंद जाल्ल्यान थळाव्या भाजीवाल्यांनी आपलें दर वाडयले.

Desk:



What do you feel

Click here