चिंबलाच्या महामार्गावेले देंवतेर भिरांकूळ अपघातांत एकल्याक मरण, एकलो गंभीर, जाल्यार 7 जाण जखमी

चिंबलाच्या महामार्गावेले देंवतेर भिरांकूळ अपघातांत एकल्याक मरण, एकलो गंभीर, जाल्यार 7 जाण जखमी

14 Nov 2019 07:56 PM

चिंबलाच्या जंक्शनाचेर जाल्ल्या अपघातांत एकल्याक आपलो जीव व्हगडावचो पडलो. जाल्यार बाकीच्यांची स्थिती हुस्को करपासारखी आसा. अपघाताक कारणीभूत थारील्ल्या टँकराच्या ड्रायव्हराक अटक करून ताचेर गुन्यांव नोंदयला.



अपघाताचें फाटभुंयेर उत्तर गोंय उपजिल्लोधिकाऱ्यान बसका घेतली.

म्हामार्ग आनी हेर रस्त्यांचेर जावपी अपघातांचो आंकडो देवोवपा खातीर भौशीक बांदकाम खात्या सयत हेर संबंदीत खात्यां मदल्यो त्रुटी सोदून काडून त्यो जाग्यार घालपाचें उतरय ताणें दिलां.   

बिरेस्तारा जाल्ल्या अपघाता उपरांत पुलिस आनी संबंदीत अधिकाऱ्यांनी बसका घेतली. अपघातांचेर नियंत्रण येवचें हे खातीर बेगोबेग आनी दिर्घकालीन उपाययेवजण करतले.

तशेंच उपघात जाल्ले सुवातेची शुक्रारा पळोवणी करतले, अशें उप जिल्लोधिकारी एच.पी. विवेकान सांगलें.

दिर्घकालीन उपाय येवजणांखातीर संबंदीत खात्याक कितलीशींच पत्रां बरयलीं. पुण तांत्रिक कारणां फुडें करून भौशीक बांदकाम आनी हेर खात्यान ताचेर आडनदर केल्या.

पोरण्या गोंयच्यान हो टँकर येतालो. ब्रेक फेल जाल्ल्यान गाडयेवेलो ताबो सुटलो आनी ताका लागून हो अपघात घडिल्ल्याचें ड्रायव्हरान सांगलें.

ह्या अपघातांत आठ जाणांक मार लागलो. अपघातांत सांपडिल्ल्यो गाडयो चेंपून गेल्ल्यो.

देखून गाडयांचे वेगवेगळे भाग कापून लोकांक भायर काडचे पडले, अशें घडणूक थळार हजर आसलेल्यान सांगलें. पुलिस ह्या अपघाता फाटलीं कारणां सोदतात

Desk: Sushant Gawas



What do you feel

Click here