22 May 2018 07:55 PM

पणजेचे मांडवी न्हंयेंतले कसिनो आतां उदकांतल्यान भायर सरून रस्त्यार लोकांक त्रास दिवपाक लागल्यात. कसिनो जाय म्हणपी म्हणटात ताका लागून सरकाराची येणावळ वाडटा आनी तरणाट्यांक नोकऱ्यो मेळटात.



पूण विरोध करपी म्हणटात ताका लागून ड्रग्स भितर सल्ल्यात आनी रस्त्यावेल्या लोकांकय त्रास जावपाक लागल्यात. 

काँग्रेस पक्ष तर सध्या कसिनोचेर चडूनच बसला.

तांच्या मतान कसिनो लॉबी पुराय सरकार चलयता. नाजाल्यार 2012 वर्सा गेमिंग कमिशन बसयतां म्हूण सांगपी मुख्यमंत्री मनोहर पर्रीकार आजून कित्याक ओग्गी बसला असो प्रस्न काँग्रेसीचो म्हणयारो सिद्धनाथ बुयांवांन विचाल्ला.

ताच्या मतान कसिनोच्यो जायराती करप ही बेकायदेशीर करणी.

कसिनोचो बोवाळ आतां पणजेच्या रस्त्यांचेरय पावला.

तातूंतल्यानच कसिनोचो एक सुरक्षा रक्षक रस्त्यावेल्या एके दादलो आनी बायलेक बडयता ताचो व्हिडियो व्हायरल जाला.

बुयावांच्या मतान कसिनोंभीतर असले प्रकार सर्रास जायत आसात. पयलेचे खेपे कोणे तरी ताचो व्हिडियो काडला. 




What do you feel

Click here