गोंयचें शॅक धोरण : हाय कोर्टान कुशीक सारलो हरीत लवादाचो स्टे
गोंयचें शॅक धोरण : हाय कोर्टान कुशीक सारलो हरीत लवादाचो स्टे
07 Oct 2019 06:48 PM
आतां उत्तर आनी दक्षिण गोंयांत शॅक दिवपा खातीर डॅक मंजूर जाल्यात.
पूण हाय कोर्टान दर्या देग वाठार वेवस्थापन प्लान जाता तितले बेगिना तयार करपाक सांगिल्लें.
दक्षिण गोंयांत सुमार 259, जाल्यार 100 वयर शॅक्स उत्तर गोंयांत सुरू जावपाची वाट पळयतात.
गोंय सरकारान दर्या देग वाठार वेवस्थापन प्लॅन पुराय करूंक नाशिल्ल्यान राष्ट्रीय
हरीत लवादान गोंयचे शॅक पॉलिसीचेर स्टे हाडिल्लो.
हायकोर्टांत ताका आव्हान दिल्लें.
सोमारा दिल्ल्या आदेशा प्रमाण हाय कोर्टान शॅकांक परवानगी दिवपाची सरकाराक मुभा दिल्या.
अशें आसलें तरी शॅक पॉलिसीचो वाद पुरायेन निवळूंक ना.
कांय दिसां आदीं 31 युवकांनी सरकारान पयलींच्याच शॅकवाल्यांक शॅक दिवपाक विरोध केल्लो.
तरनाट्यांच्या बेरोजगारीचेर हावळ येतलो अशें तांचें म्हणणें. 90 टक्के शॅक हे फाटल्या 5 वर्सां सावन शॅक वेवसाय करतल्यांकच दिल्यात, हो तांचो आक्षेप.
What do you feel
Click here