भलायकी मळावेल्या कांय विभागांचें जातलें खासगीकरण : राणे

02 Dec 2019 06:17 PM

एकेक करून गोंयच्या सरकारी हॉस्पिटलांचें खासगीकरण जायत चल्लां शें दिसता.

गोमेकॉचो सुपरस्पेशालिटी ब्लॉक खासगी जावं येता.

दक्षिण गोंयांतलें खासगी मेडिकल कॉलेज, जिल्लो हॉस्पिटलाचेय कांय विभाग खासगी पार्टनरांक चलोवंक दिवपाचो विचार चल्ला.

चिखलेचें कॉटेज हॉस्पिटलाचेय कांय विभाग खासगी दोतोर चलोवंक घेवपाक शकतात.

सरकारी हॉस्पिटलांच्या खासगीकरणाची ही प्रक्रिया सुरू जाल्ल्याचें भलायकी मंत्री विश्वजीत राणेन सांगलां.

विश्वजीत सांगता,नीती आयोगाच्या मार्गदर्शक तत्वां प्रमाण खासगीकरणाचो हो निर्णय घेतला.

केंद्रीय भलायकी मंत्री हर्षवर्धनान ताका पुश्टी दिल्या.

गोवा मेडिकल कॉलेजीच्या सुपर स्पेशलिटी ब्लॉकाच्या आनी दक्षिण गोंय जिल्लो हॉस्पिटलाच्या खासगीकरणाविशींय ताणें हेंच सांगलें.

मेडिकल स्टुडंटां खातीर गोंयांत 500 सुवातो आशिल्लीं दोन मेडिकल कॉलेजां जातलीं.

गोमेकॉंत प्रवेशा खातीर आनीक 50 सुवातो मेकळ्यो जातल्यो.

जाल्यार मडगांवच्या जिल्लो हॉस्पिटलांतल्या खासगी मेडिकल कॉलेजींत 250 सुवातो.

तेच भशेन चिखलीच्या कॉटेज हॉस्पिटलाचेंय खासगीकरण जावपाचें आसा.

तातूंतले कांय विभाग खासगी दोतोरां कडेन चलोवपाक दितले. फुडल्या म्हयन्यांत.