खोतीगांवच्या लोकांनी श्रमदानान केलो रस्तो
खोतीगांवच्या लोकांनी श्रमदानान केलो रस्तो
16 Jun 2019 05:20 PM
16 वर्सां आदीं केल्लो रस्तो अंदुंच्या पावसांत व्हांवून गेलो.
देखून आवळो खोतीगांवच्या लोकांनी श्रमदानान रस्त्यार गुंडे घालून आपणेंच रस्तो तयार केलो.
खोतीगांवांत एक तर सारके रस्त नात. आशिल्ले रस्ते पावसांत खडबडीत जातात.
आवळो खोतीगांवच्या सुमार 16 वर्सां आदल्या रस्त्याची अंदुंच्या पावसांत अवतिकाय जाली.
पुराय रस्तोच व्हांवून गेलो. ह्या रस्त्याक गटारांय नात. देखून पावसांत रस्त्याचे जाता तळें.
बेजारिल्ल्या लोकांनी कुशीचे गुंडे हाडून रस्त्यांत दाळ्ळे.
दोन पंच वांगड्यांक हो प्रभाग लागता.
पूण दुर्लक्षीत आसा.
थळावो नारायण आऩी गुरखो वेळीप अवतिकायेविशीं सांगता, पळयात.
दिवचल ते अस्नोडें मजगतीं शिरोडावाडी वाठारांत रस्त्याकुशीच्यो खळयो कोयर पडिल्ल्यान हालींच पडिल्ल्या पावसांत तुंबून रावल्यात.
तशेंच जीओ फोनाच्या केबलां खातीर खणिल्ल्यो चरी नेमपाक लागल्यात.
कुशीच्या दुकानांनी वा घरांन उदक वचपाक लागलां.
रस्त्यांवेल्यानय उदकाचे व्हाळ व्हांवतना दिश्टी पडटात.
मुळगांवचो सरपंच प्रकाश आरोंदेकारान, तशेंच थळाव्यांनी हाचेर उपाय येवजण काडची अशें भौशीक बांदकाम खात्या कडेन मागलां.
What do you feel
Click here