लायफ गार्डांक फटयतल्या दृश्टी कंपनी आड एफआयआर नोंदयात : अजितसिंग राणे
लायफ गार्डांक फटयतल्या दृश्टी कंपनी आड एफआयआर नोंदयात : अजितसिंग राणे
06 Jan 2020 07:40 PM
आमी आमची चूक मानून घेतात. आमकां कामार घेयात.
अशें दृश्टीन कांय लायफ गार्डां कडल्यान बरोवन घेतलां.
कामगारां कडल्यान अशे तरेन बरोवन घेवपी आस्थापना आड एफआयआर नोंदोवची.
तांचेर सरकारान खर कारवाय करची.
सोमारा तांणी पणजे पुलिशेंत निवेदन भेटयलां.
मुख्यमंत्र्यान दृश्टीचेर बेगोबेग कारवाय करपाची मागणीय तांणी केल्या.
दृश्टीन तांचे आड आतां डिव्हायड एण्ड रूल
ची राजनीती वापरपाक सुरवात केल्या.
अडेज म्हयन्यां सावन संपार गेल्ल्या दृश्टीच्या कांय कामगारांक फोडून तेंच्या कडल्यान अंडर टेकिंग घेतलां.
सरकार आनी दृश्टीक लागून दर्यादेगांचेर बुडून मरण आयिल्ल्यांची जापसालदारकी तांणी दृश्टीच्या लायफ गार्डांच्या माथ्यार दिल्या.
ही व्हडली फटवणूक. हें अंडरटेकिंग फाटी घेवपाक लावचें.
तशेंच लायफ गार्डांच्या मानवी हक्कांचें उल्लंघन करपी दृश्टी कंपनीच्या अधिकाऱ्यांचेर एफआयआर दाखल करची अशें कामगार फुडारी अजीतसिंग राणे आनी स्वाती केरकारान मागलां.
What do you feel
Click here