लोकवस्ती नासलेलो म्हादयचो वाठार व्याघ्रक्षेत्र म्हण जाहीर करात : राजेंद्र केरकार

गोंयांतल्या वागांची राखण करपाक आनी तेच बरोबर वागाचें म्हत्व पटोवन दिवपाक सरकार अपेशी थारलां.

आज वाग जिवे उरले जाल्यारच मनशाक उदक मेळटलें, प्राणवायू मेळटलो.

म्हादयचो शेतां आनी लोकवस्ती नासलेलो वाठार व्याघ्रक्षेत्र म्हण जाहीर केलो जाल्यारच वाग जिवेशी उरतलो.

राजेंद्र केरकारान म्हटलां.गोंयांत वाग ना अशे 1995 सावन सरकार म्हणत आयिल्लें.

1997 वर्सा गोंयांत 5 वाग आशिल्ल्याचो पुरावो मेळ्ळो.

पूण हे वाग कर्नाटक आनी महाराष्ट्रांतल्यान येतात अशें पालूपद लायलें.

गोंयांत खोतीगांव, नेत्रावळी, महावीर, म्हादय अभयारण्य आनी मोलें राष्ट्रीय उद्यानां हीं सगळीं अस्तम घाटांतलीं व्याघ्रक्षेत्रां आसूनय आनी तातूंत वाग आशिल्ल्याचे पुरावे मेळूनय सरकार वागांचो राबितो मानपाक तयार नासलें.

पूण 2013 वर्सा केमेऱ्यांत वाग दिसले. 

29 जुलय संवसारभर आंतरराष्ट्रीय वाग दीस म्हण मनयतात.

त्या निमतान गोवा 365 कडेन गोंयचो पर्यावरणमोगी राजेंद्र केरकारान उक्तायिल्ली ही प्रतिक्रिया. 

 2019 डिसेंबरांत सत्तरींतल्या गोळावलींत थळाव्यांनी वीख घालून चार वाग मारले.

त्यावेळार  सरकार वागांची राखण करपाक अपेशी थारिल्ल्याचें स्पश्ट जालें.

लोक आनी वागां मदलो संघर्श खऱ जाल्लो दिसून आयलो.

ताचें कारण जंगलांतले पिसय, हरणां, भेकरी अशे तृणभक्षी प्राणी उणे जाल्यात.

वाग राखले जाल्यार आमकां फुडल्या काळांत उदक मेळटलें, ऑक्सिजन दिवपी रानां जगतलीं अशेंय केरकारान सांगलें.

जाल्यार आंतरराष्ट्रीय वाग दिसा निमतान सत्तरींतलो थळावो आमदार आनी रानमोगी आशिल्ल्या विश्वजीत राणेन गोवा 365 क धाडून दिल्लो हो पळयात वागांचें म्हत्व सांगपी व्हिडियो.