वास्कोच्या दृशल आनी ऋतिकेशाक डॉ. गंगुबाई हंगल गुरुकुलाची शिश्यवृत्ती
वास्कोच्या दृशल आनी ऋतिकेशाक डॉ. गंगुबाई हंगल गुरुकुलाची शिश्यवृत्ती
21 Jun 2019 06:42 PM
आज तेंच्या कडेन बरो स्वराभ्यास आसा.
तेंच्या कडेन स्पर्धा करप म्हाका जमना.
ते कितें म्हणटात तें म्हाका जायना.
आज हांव बेसूर गावंक लागलों जाल्यार ते सांगतात, डॅडी, तूं बेसूर गाता हां.
आज ते म्हजे गुरू जाल्यात. ही उतरां वास्कोच्या च्यारी ब्रदर्सच्या बापायचीं. दृशल आनी ऋतिकेश हेच ते च्यारी ब्रदर्स.
दोगांचीय धारवाडच्या डॉ. गंगुबाई हंगल गुरूकुलांत शिकपा खातीर निवड जाल्या.
गोंयभर तांचें कौतुक चल्लां.
गुरुदेव च्यारी, ताची घरकान्न गौरी आऩी भुरगीं दृशल आनी ऋतिकेश.
ही फामील वास्को मांगोरहील रावता.
भजनांची आवड आशिल्लो गुरूदेव मेस्तकाम करून पोट भरता.
बापायचें गायन-भजन आयकतां आयकतां दृशल ऋतिकेशाकय गायनाची रूच लागली.
गोंयभरच्या सर्तींनी वांटो घेवन दोगांयनी घरांत इनामां- पुरस्कारांचो दोंगर उबो केला.
दोगय वास्कोच्या षडज गंधार म्युझिक अकादमींत शिकतात.
कामांतल्यान वेळ काडून बापूय गुरूदेव पुतांक रियाजाक घेवन बसता.
यश आनी संघर्शाची काणी सांगता गुरूदेव च्यारी.
डॉ. गंगूबाई हंगल गुरूकुलांतले स्कॉलरशिपी खातीर देशभरच्यान 30 विद्यार्थ्यांमदीं दृशल आनी ऋतिकेशाची निवड जाल्या.
थंय वचपाक कला अकादमीन तांकां मजत केल्या.
देशांतल्या नामनेच्या गुरूं कडल्यान तांकां मार्गदर्शन मेळटलें.
दृशल आनी ऋतिकेशानय खूब शिकून मोठे जावपाचो हावेस उक्तायला. पळय़ात.
What do you feel
Click here