भाजपा करता मोपाचें लास व्हेगास, सगळ्या कसिनोंक 15 वर्सांचे परवानेः काँग्रेस
भाजपा करता मोपाचें लास व्हेगास, सगळ्या कसिनोंक 15 वर्सांचे परवानेः काँग्रेस
05 Nov 2018 08:25 PM
थंयच्या सगळ्या कसिनोंक वट्ट 15 वर्सांचे परवाने दितले.
दर्यांतले कसिनोय मोपा व्हरतले. ते मेरेन मांडवींतल्या कसिनोंक सरळ चार वर्सांची मुजतवाड मेळटली.
ते भायर कांदोळेय आनीक एक जमनीवेल्या कसिनोक परवानगी दिल्या. हे गंभीर आरोप केल्यात काँग्रेसीन.
गोंय काँग्रेस प्रदेशाध्यक्ष गिरीश चोडणकार म्हणटा हो व्हडलो घोटाळो.
गोंयच्या जुगाराचेर बंदनां हाडपाच्या नांवान नवो कायदो हाडपाचो प्रस्ताव सरकारान तयार केला. आनी हे कसिनो मोपा व्हरतले ती जमीनय मोदीची.
गोंयांत सगळ्यांत चड कसिनो जाचे आसात ताची.
कांदोळच्या एका हॉटेलांत जमनीवेलो कसिनो सुरू करपाक परवानगी दिल्या असो आरोप कळंगुटेचो आदलो आमदार आग्नेल फर्नांडिसान केला.
कांदोळे कसिनो हाडलो जाल्यार राजिनामो दितलों अशी घोशणा करपी कळंगुटचो आमदार मायकल लोबोन आतां राजिनामो दिवचो अशें आव्हानय आग्नेलोन ताका दिलां.
गोवा फॉरवर्ड पार्टीन सुरू केल्ले हॅल्प लायनीचेर गिरीश चोडणकारान मार्मिक प्रतिक्रिया दिल्या.
What do you feel
Click here