शिस्तींत जालें कांसावलेचें फामाद थ्री किंग्स फेस्त
शिस्तींत जालें कांसावलेचें फामाद थ्री किंग्स फेस्त
06 Jan 2021 06:49 PM
कांसावली तशेंच देगेच्या वाठारांतल्या भाविकांनी ह्या फेस्ताचो लाव घेतलो.
कोरोनाचो काळ. सरकारी एसोपी पाळपाक जाय.
हें मतींत दवरून रेमीक सायबिणीच्या भक्तांनी गरजेची ती जतनाय घेत थ्री किंग्स फेस्त व्हडा उमेदीन आनी भक्तीभावान मनयलें.
क्रिस प्रसादा बरोबर मिसां आनी विविध संस्कृतीक कार्यावळीय जाल्यो, जाचो भाविकांनी शिस्तीन आनी श्रद्धेन लाव घेतलो.
फेस्ता निमतान भाविकांची गर्दी अपेक्षीतच आसता.
पूण भाविकांक फादर जीन दा क्रूझ फर्नांडीस आनी थळावो सरपंच जुझे फुर्तादोन समाजीक अंतर राखपाचें, आनी कोरोनाचे फांटभुंयेर योग्य ती जतनाय घेवपाचो उलो मारिल्लो.
ते भायर स्वयंसेवकांचेरय जबाबदाऱ्यो दिल्ल्यो.
ताका भाविकांनी योग्य तें सहकार्य दिलें.
आयकात फेस्ताचे तयारेचेर उजवाड घातला फादर
फर्नांडीस आनी सरपंच फुर्तादोन.
What do you feel
Click here