सांत अँथनीच्या कूड-अवशेशांच्या दर्शनाखातीर भक्तांची गर्दी

सांत अँथनीचें दर्शन घेवपाक हजारांनी भक्तांनी गर्दी केल्ली.  

सांत अँथनी संवसाराक अंतरल्यार सुमार 800 वर्सां जालीं. मात ताचे कडल्यान तांकां आदार मेळटा असो दावो  जगभर लोक करतात. हे अवशेश इटालीच्या पाडुआ शारांतल्यान हाडल्यात.  

तीन आनी चार तारकेर ह्या अवशेशांचे नावेलेंत लोकांक दर्शन घेवपाक मेळटलें. ताचे खातीर वेगळी येरादारी वेवस्था केल्या.

नावेले मोड्डींत पाद्रे पिओ कपेलांत पाडुआच्या सांत अँथनीचे अवशेश दवरतले. मार्चाचे तीन तारकेर दनपरां तीन ते रातचीं णव मेरेन लोकांक दर्शन घेवपाक मेळटलें.

मार्चाचे चार तारकेर सकाळीं साडे स ते सांजे साडेचार मेरेन लोकांक सांत अँथनीचें दर्शन मेळटलें.

भक्त पाद्रे पियो चॅपला कडेन तीन कडल्यान येवपाक शकतात. जाकनीबंद जंक्शन, शांतीनगर जंक्शन आनी रॅनोल्ट शोरूमा वटेंतल्यान.

जाकनी बांदांवेल्यान येवपी लोकांक मनू हावजा कडेन तांच्यो गाडयो पार्क करपाक मेळटल्यो जाल्यार शांतीनगरांतल्यान येवपी लोकांक कॅनरा बँककडेन  पार्किंगाक सुवात आसतली. तशेंच रॅनॉल्ट शोरुमा कडल्यान येवपी गाडयांक मांडपा वटेन गाडयो पार्क करपाक दितले.