कोरोनाचे नवे आयाम : रक्ताच्या नात्या पलतडीं वचून भयणुल्यांनी शेजाऱ्यांक बांदल्यो राखयो!

कोरोना महामारीन मनशाचे जिणेंत जायते बदल घडोवन हाडल्यात. तातूंतलो एक म्हटल्यार रक्ताच्या नात्याचे पलतडीं वचून शेजारी आनी मानलेल्या भावांक भयणींनी अंदू राखयो बांदल्यो. रक्षाबंदनाच्या निमतान एका वेगळ्या नात्याचो आविश्कार समाजांत पळोवपाक मेळ्ळो.

कोरोनाच्याय काळांत रक्षाबंधना निमतान कांय वेगळे समाजीक आयाम पळोवपाक मेळ्ळे.

कामां निमतान भाव पयस वा राज्या भायर आसात.

देखून तेंकां राखी बांदप शक्य ना देखून शेजाऱ्यांकच भाव मानून राखयो बांदल्यो.

कांय भयणींनी सांगलें. जाल्यार चायना मेड राखयो बांदचीं नात, चायना मेड राखयो विकचे नात अशें म्हणत भयणींनी आनी पसरकारांनीय देशभक्तीचें दर्शन घडयलें. पळय़ात.

पेडणेंच्या भाजपा महिला मोर्चान पेडणें पुलीस स्टेशन आऩी ट्रॅफिक सेलांत वचून पुलिसांक आऩी कर्मचाऱ्यांक राखयो बांदल्यो.

समाजीक नात्याचें भान आनी कृतज्ञतायेची देख दिवपी  पळयात हे कांय भावनीक धागे.

 रक्षा बंधनाचेरय कोरोनाचें सांवट आसलेंच.

देखून घरांतल्या घरांत जावपी हो सुवाळो आसल्यान कांय भयणुल्यांनी आपल्या भावांक ओवाळीत आनी तोंड गोय करत राखी बांदली.

पळयात सांवड्डें आनी मडगांव वाठारांतलें रक्षा बंधन.

शिरोडेंचो आमदार सुभाष शिरोडकाराच्या फुडारपणा खाला शिरोडा भाजपा महिला मंडळानय एक आगळो वेगळो कार्यक्रम राबयलो.

कोवीड पेशंटां खातीर उपचार चलिल्ल्या हॉस्पिटलांत वचून तांणी दोतोर, नर्सी आनी कर्मचारी अशे मेळून 50 जाणांक  राखयो बांदल्यो.