न्याय आनी सैमाचें प्रतीक गणेशबाप्पाक उर्बेभरीत येवकार : सादलो अध्यात्म आनी विज्ञानाचो मेळ!

आयज वक्रतुंडाच्या रुपांतल्या गणेशाची प्रतिष्ठापना करून तेची पूजा करतात.

वक्रान तुंडयति इति वक्रतुंड.

वक्रतुंड हें न्यायदानाचें प्रतीक, सैमाचें प्रतीक.

देखून तेची पूजा म्हटल्यार सैमाची पूजा, न्यायाचो आदर.

गणरायान आगमन केलां.

मुख्यमंत्री प्रमोद सावंता पासून ते विरोधी पक्ष फुडारी दिगंबर कामती मेरेन राजकारणी आनी सगळ्याच भक्तगणांनी श्रद्धाभावनेन ह्या दैवताक येवकार दिला.

विशेश म्हटल्यार विज्ञानाच्या तंत्रज्ञानाचो आदार घेत अंदूं जायते कडेन ऑनलायन गणेशपूजन जालें.

गोंयचो मुख्यमंत्री प्रमोद सावंताचें मूळ घर कोठंबे.

दोतोर सावंतान आपले फामिली सयत घरच्या गणपतीबाप्पाचें दर्शन घेतलें. जाल्यार विरोधी पक्ष फुडारी दिगंबर कामतीनय तांची घरकान्न आशा, चलो योगिराज, सून नेहा, नात राधा हांचे बरोबर आपल्या दैवताची आराधना केली.

 आनी हें पळयात गोंयकारांच्या आवडट्या दैवताचें आगमन. कुंकळी, सांवड्डेंकारांनी व्हडा उमेदीन ताका येवकार दिलो.

घरच्या बायलांनी दिव्यान ओवाळून येवकार दिलो, जाल्यार कांय मुर्त्यो अजूनय गणपतीचित्रशाळेंत भक्तांच्या घरा वचपाची वाट पळयत बसल्यात. पळयात कांय देखावे.

कांय जाणांनी पुरयता कडल्यान ऑनलायन मार्गदर्शन घेत घरचे घराच गणेशाची पुजा करून स्थापना केली.

पळयात आधुनिक विज्ञान युगांतलें हें गणेशपूजन. 

गोंयकार गणपती पुजपा खातीर आपापल्या गांवांत गेल्यात. जोसलकार फामिली बांद्यां गणपती पुजता.

हे पळयात गणपतीच्या येवकारा पसून ते स्थापने मेरेनचे कांय भक्तीमय देखावे.

जाल्यार नागवें हडफडें वाठारांतल्या गणेशभक्तांनी निकतीच गणेश स्थापना केल्या.

पळयात स्थापने उपरांत पालयेकर फामीलींतलें उमेदीचें वातावरण.

ही उमेद टिपल्या आमच्या क्लिंटन डिसौझान.

अंदूं पुरयत नाशिल्ल्यान यु ट्यूबान कशी मजत केली तें सांगता संजय पालयेंकार.

पळयात.आनी ही विज्ञान, तंत्रज्ञान आनी मनीस हांचो मेळ घडयत केल्ली कोरगांवचो आदलो आमदार विजय कामुलकाराच्या घरोब्यांतली गणेशपुजा.

मंत्र आनी गायडन्स ऑनलायन जातालें , एक चली आयकतालें, येजमानीक  डायरेक्शन दितालें, ते प्रमाण तो धार्मिक विधी करतालो.

विज्ञानाचे मजतीन अध्यात्म विधी अशे हे आगळे वेगळे पयलेच खेपे जाल्ले ऑन लायन पुजेविशीं आयकात कामुलकाराची प्रतिक्रिया.