नाटकां, पालखी, पाळण्या उत्सवान मनयली हनुमान जयंती

नाटकां, पालखी, पाळण्या उत्सवान मनयली हनुमान जयंती

19 Apr 2019 06:37 PM

अंजनीच्या सुता तुला रामाचं वरदान, एकमुखाने बोला जय जय हनुमान. शुक्रारा गोंयभर हनुमान जयंती मनयली. हनुमान हें भक्ती बरोबरच शक्तीचें दैवत. रामायणांत जाय त्या रथी महारथींचीं चरित्रां आसात.



पूण श्रीरामा फाटल्यान देवत्व प्राप्त जालां ते फक्त मारुतीरायाकूच. लंकादहन करप वा द्रोणगिरी पर्वत उबारुन व्हरप असलीं अचाट कर्तुबां ताणें केल्ल्याचो रामायणांत उल्लेख आसा.   

दवर्ली आकेंच्या मारुती मंदिरांत हनुमान जयंती निमतान विविध संस्कृतीक तशेंच धर्मीक कार्यावळी जाल्यो.

पाळण्यांत घातिल्ल्या बाल हनुमानाक भाविकांनी धोलयलो. पुरयतान भाविकांक हनुमान चालिसा वाचून दाखयलो. बायलांनी सादर केल्लें भजनय कौतुकाचो विशय जालो. पळयात तो देखाव.  

सांखळे आनी वारखंडें फोंड्यांय हनुमान जयंती मनयली. बायलांनी व्हडा संख्येन उत्सवांत वांटेकार जायत श्रींच्या कृपाप्रसादाचो लाव घेतलो. भक्तांनी बालहनुमानाक खेळयलो. तशेंच देवाक तेल घालें. पळयात कांय खीण.

म्हापशेंची राम आनी हनुमान जयंतीय तशीच उर्बा हाडपी. तिका देडशें परस चड वर्सांची परंपरा आसा.

ह्या उत्सवांतय जाण्ट्यां बरोबर तरनाटी पिळगी हो उत्सव उमेदीन मनयतना दिसता. म्हापशेंच्या हनुमान मंदिरांत भाविक भक्तांनी देवाक तेल घालें.

हनुमान नाट्यमंदिरांत सोमारा पारंपारीक कालो जाल्या उपरांत नाटकांक सुरवात जाली. देवाची पालखी पुराय म्हापशांत भोंवडायली.

शेनवारा गवळणकाल्यान उत्सव सोंपतलो. ह्या निमतान पांच नाटकांचें खाद्य नाटक मोग्यांक मेळ्ळें. हनुमान थेटराचो वास्तुविशारद आनी ज्येश्ठ कलाकार रुद्रेश्वर नाटेकर तेविशीं गोवा 365 कडेन उलयलो. 

Reporter: Bureau | Desk: Sushant Gawas



What do you feel

Click here