फादर कोसेसांव डिसिल्वान निमणी मागली वेंचणूक आयोगाची बिनशर्त माफी

फादर कोसेसांव डिसिल्वान निमणी मागली वेंचणूक आयोगाची बिनशर्त माफी

17 Apr 2019 07:53 PM

रायचो फादर कोसेसांव डिसिल्वान निमणी वेंचणूक आयोगाची बिनशर्त माफी मागली. चर्चींतल्या शेरमांवांत मनोहर पर्रीकाराविशीं तो आक्षेप घेवपा सारकें उलयल्लो.



परत अशे तरेचो राजकी शेर्मांव दिलो जाल्यार खर कारवाय करतले अशी शिटकावणी वेंचणूक आयोगान ताका दिल्या. चर्चिनय तेविशीं अधिकृतपणान दिलगिरी उक्तायल्या.

फादर कोसेसांवाच्या शेर्मांवाचो व्हिडियो सोशल मिडियाचेर व्हायरल जाल्लो. त्या उपरांत भाजपान ताच्या विरोधांत वेंचणूक आयोगा कडेन कागाळ केल्ली.

भाजपाक मतां दिव नाकात अशें सांगतनाच देवान ख्यास्त दिल्ल्यानच पर्रीकाराक कॅन्सरान मरण आयलें अशेंय ताणें शेर्मांवांत सांगिल्लें. दक्षिण गोंयचो निर्वाचन अधिकारी अजीत रॉयान तेविशींची चौकशी केल्ली.

अजीत रॉय हेविशीं कॅमेऱ्या फुड्यांत उलोवपाक न्हयकार दिलो, तरी हे घडणुके संबंदांत ताणें अधिकृत प्रसिद्धीपत्रक काडलां. तातूंत तो म्हणटा फादर कोसेसांवान आपली चूक मानून घेतल्या. ते खातीर ताणें माफीय मागल्या.

फुडाराक पर्थुन असले प्रकार घडचे न्हय हाची जतनाय घेवची. ना जाल्यार वेंचणूक आयोग खर कारवाय करतलो अशी ताका शिकटावणीय दिल्या अशें सांगिल्ल्याचें अजीत रॉयान म्हटलां.

चर्चिनय फादर कोंसेसावाक पर्थून अशी चूक करची न्हय हाची जतनाय घेवपाची शिटकावणी दिल्या. लोकांच्यो भावना दुखवल्ल्यान डायोसेसन केंद्रानय खेद उक्तायला.

चर्चींतल्या प्रिस्टान राजकी भाश्य करचें न्हय, खंच्याच पक्षाचो वा पक्षाच्या उमेदवाराचो प्रचार करचो न्हय अशी शिकटावणीय चर्चीन दिल्या.

जाल्यार सवेराची फुडारी तार केरकारान फादर कोंससेवाच्या विधानाचें पुरायेन समर्थन केलां. शेरमांवाच्या वेळार कोणाक मत दिवचें तें फादर सांगताच.

2012 चे वेंचणुके वेळार मनोहर पर्रीकार चर्चिचो तेंको मेळोवपा खातीर आर्चबिशपाक कित्याक मेळिल्लो असोय प्रस्न ती करता. पळयात तिचो युक्तिवाद. 

Reporter: Bureau | Desk: Jawahar Barve



What do you feel

Click here