मनयलें वेलंकिणी सायबिणीचें फेस्त : गोंयभरच्या चर्चींतल्यान जाल्यो प्रार्थना

अवर लेडी ऑफ वेलंकिणी, जिका भलायकेची सायबीण अशेंय म्हणटात, तिचें फेस्त आयतारा पुराय गोंयानच न्हय, तर अख्ख्या संवसारान मनयलें. वेगवेगळ्या धर्माच्या भाविकांनी व्हडा श्रद्धा भावनेन सायबिणीची प्रार्थना केली. वेगवेगळ्या कपेलांनी, तशेंच चर्चींनी ह्या निमतान खाशेल्या प्रार्थनांचें आयोजन केल्लें.

 अवर लेडी ऑफ वेलंकिणी संवसारभरच्या भाविकांचें प्रेरणास्थान. वेलंकिणीक भलायकेची सायबीण अशेंय म्हण पाचारतात. आयतारा नोवेनां जाल्या उपरांत आयतारा गोंयभरच्या चर्चींतल्यान भाविकांनी तिका नमन केलें, बरे भलायके खातीर प्रार्थना केल्यो.  आपापल्या मनांत आदरभाव दवरून सान भुरग्यां पसून ते जाणट्यां मेरेन जायत्या भाविकांनी वेलंकिणीक फुलां आनी मेणवाती पेटोवन तिचे विशीं श्रद्धा उक्तायली.