आल्तिनोवेल्या बंगल्यांत गोंयचो होलसेलांत विक्रो : काँग्रेस
आल्तिनोवेल्या बंगल्यांत गोंयचो होलसेलांत विक्रो : काँग्रेस
17 Jan 2019 07:36 PM
दोन हजार ते पांच हजार रुपया चौखण मीटर ह्या रेटान सध्या आल्तिनोवेल्या एका खाजगी बंगल्यांतल्यान जमनीचें व्हडा प्रमाणांत बेकायदेशीर रुपांतरण चल्लां असो घणघणीत आरोप काँग्रेसीन केला.
आमी सत्तेर येतकीर हीं सगळीं बेकायदेशीर रुपांतरणां रद्द करून जमीन परत आसा तशी करतले अशी शिटकावणीय काँग्रेस प्रदेशाध्यक्ष गिरीश चोडणकारान दिल्या.
जमीन रुपांतरणाच्या नांवान सरकारान गोंय होलसेलांत विकपाक काडलां, असोय आरोप गिरीशान केला. तशेंच नगर नियोजन मंडळाची 163 वी बसका सोळा ऑगस्टाच्यान अजूनमेरेन फुडें फुडें वचत आसा. तरीकय तिचें इतिवृत्त कशें कितें तयार जाता असोय प्रस्न ताणे विचाल्ला.
भलायकी खात्यांत चडशे उमेदवार वाळपयचे सिलेक्ट जातात आनी वीज खात्यांत अभियंते
कुडचड्यावेले. म्हटल्यारूच सरकारी नोकर भरतेंत व्हडलो घोटाळो जाला. तेन्ना हाची पुलिशेच्या
गुन्यांव अन्वेशण विभागान चवकशी करची अशीय मागणी काँग्रेसीन केल्या.
What do you feel
Click here